અમદાવાદ / વિશ્વમાં હાહાકાર મચાવનાર કોરોના વાયરસના 2 શંકાસ્પદ કેસ, SVP હોસ્પિટલમાં કરાયા દાખલ

• વિશ્વભરમાં કોરોના વાયરસનો હાહાકાર
• અમદાવાદમાં 2 શંકાસ્પદ કેસ 
• SVPના આઇસોલેશન વોર્ડમાં સારવાર હેઠળ

ઉલ્લેખનીય છે કે, અમદાવાદમાં કોરોના વાયરસના બે શંકાસ્પદ કેસ નોંધાયા છે. SVP હોસ્પિટલમાં કોરોના વાયરસના 2 દર્દીઓને દાખલ કરવામાં આવ્યા છે. ગુરૂવારે સાંજે બન્ને દર્દીઓને હોસ્પિટલમાં દાખલ કરાયા છે. બન્ને દર્દીઓ સિંગાપોરથી પ્રવાસ કરીને પરત ફર્યા છે. 

SVPના આઇસોલેશન વોર્ડમાં સારવાર હેઠળ

હેલ્થ વિભાગ દ્વારા બન્ને દર્દીઓની તપાસ કરવામાં આવી હતી. ત્યારે હવે બન્ને દર્દીઓના સેમ્પલ લઈને મોકલાયા છે. હાલમાં બન્ને દર્દીઓની SVPના આઇસોલેશન વોર્ડમાં સારવાર ચાલી રહી છે. 

કેરળમાં નોંધાયો સૌ પ્રથમ કિસ્સો 

આપને જણાવી દઇએ કે, સોમવારે કેરળના એક વ્યક્તિને કોરોના વાયરસથી ચેપ લાગ્યો હોવાના સમાચાર સામે આવ્યા છે. તાજેતરમાં જ તે વ્યક્તિએ ચાઇનાનો પ્રવાસ કર્યો હતો. આરોગ્ય મંત્રાલયે કહ્યું કે વ્યક્તિમાં નોવેલ કોરોના વાયરસ પોઝીટીવ જોવા મળ્યા છે. હાલ દર્દીને હોસ્પિટલમાં અલગ રાખવામાં આવેલ છે. જેમાં દર્દીની સ્થિતિ સ્થિર છે. આરોગ્ય ટીમ દર્દી પર ખાસ નજર રાખી રહી છે. 

કોરોનાની વાસ્તવિક તસવીર આવી સામે 

કોરોના વાયરસથી ચીનમાં કહેર સર્જાયો છે અને અત્યાર સુધી આ ખતરનાક વાયરસ ત્યાં ત્રણસોથી વધુ લોકોનાં મોત નીપજ્યા છે જ્યારે ઘણા લોકોની હાલત ગંભીર છે. આખું વિશ્વ આ વાયરસથી ભયભીત છે અને વૈજ્ઞાનિકો તેની રસીની શોધમાં રાત-દિવસ ડૂબ્યા છે. ત્યારે હવે ખૂબ જ ખતરનાક કોરોના વાયરસની વાસ્તવિક તસવીર પણ માઇક્રોસ્કોપ દ્વારા દુનિયા સામે આવી છે, જે લોકોને આશ્ચર્યજનક બનાવે છે.

કોરાના વાયરસે દુનિયાભરમાં મચાવ્યો હાહાકાર 

ચીનનના વૂહાનથી ફેલાય રહેલો કોરોના વાયરે દુનિયાભરમાં હાહાકાર મચાવી દીધો છે. ભારતે કોરોના વાયરસથી પ્રભાવિત વુહાન શહેરમાંથી રવિવારે 323 ભારતીયો અને માલદીવના સાત નાગરિકોને લઇને એર ઇન્ડિયાનું બીજુ વિમાન દિલ્હી પહોંચી ગયું છે. આ સાથે જ અત્યાર સુધીમાં ત્યાંથી 654 લોકોને ભારત લાવવામાં આવી ચૂક્યાં છે. 

શું છે નોવેલકોરોનાવાયરસ ? (2019 Novel Coronavirus)

2019માં નોવેલ કોરોનાવાયરલને 2019-nCoV નું પણ નામ આપવામાં આવ્યું છે. આ વાયરસ પ્રથમ વખત ચીનના વુહાન શહેરમાં ફેલાયો હતો. આ વાયરસના નામમાં નોવેલ લગાવવામાં આવ્યું છે કેમકે આ પહેલા તે ક્યારેય જોવા મળ્યો નથી. 

કોરોના વાયરસના લક્ષણો

• વારંવાર તાવ આવવો અથવા ઉંચા તાપમાને તાવ આવવો
• તાવ પછી લાંબા સમય સુધી ઉધરસ રહેવી
• માથાનો દુખાવો અને શ્વાસ લેવામાં તકલીફ
• આ રોગના લક્ષણોમાાં ભારે તાવ, કફ, શરદી, શ્વાસ લેવામાાં તકલીફ વગેરે જોવા મળે છે.

કોરોના વાયરસનો ચેપ ન લાગે તે માટે શું ધ્યાન રાખવું 

• રોગના અટકાવ અને શનયાંત્રણ માટે સીઝનલ ફ્લુની જેમ દદીને આઈસોલેશનમાાં રાખવો 
• પી.પી.ઇ. કીટનો ઉપયોગ કરવો
• વારાંવાર સાબુથી હાથ ધોવા
• હસ્ટતધૂનનના બદલે નમસ્ટકારથી અશભવાદન કરવું
• ભીડભાડ વાળી જગ્યાએ ન જવુાં વગેરે જેવી તકેદારી રાખવી
• વય પ્રમાણે ગરમ પાણી પીવું
• તળેલું અને મસાલેદાર ખાવાનું ટાળો
• ગળાને શુષ્ક ન પડવા દો