ધરપકડ / પોરબંદર દરિયામાંથી 500 કરોડનું ડ્રગ્સ પકડાવા મામલે બે અફઘાનિસ્તાની ઝડપાયા

ઝડપાયેલા બંને આરોપીઓ અફઘાનિસ્તાનના નાગરિક હોવાનું સામે આવ્યું છે. તો બંને આરોપીઓની પૂછપરછમાં ખુલાસો થયો છે, જે મુજબ ભારતમાં ડ્રગ્સ ઘૂસાડવાના સમગ્ર કૌભાંડનો સૂત્રધાર હાજી નાગરે હોવાનું સામે આવ્યું છે.
હાજી નાગરેએ જ ભારતમાં ડ્રગ્સ ઘૂસાડવા માટે પાકિસ્તાનના મલિક નામના વ્યક્તિને 15 હજાર 500 ડોલર આપ્યા હતા. તો એ પણ સામે આવ્યું છે કે, ઝડપાયેલા બંને આરોપી મેડિકલ વિઝાના આધારે અગાઉ ત્રણ વાર ભારત આવી ચૂક્યા છે. હાલ આ મુદ્દે પોલીસે વધુ તપાસ શરૂ કરી છે. કૌભાંડમાં સંડોવાયેલા અન્ય આરોપીઓને ઝડપી લેવા કવાયત હાથ ધરી છે.

ઉલ્લેખનીય છે કે, પોરબંદરના દરિયામાંથી 500 કરોડ રૂપિયાનું ડ્રગ્સ ઝડપાયું હતું. આ કેસમાં અત્યાર સુધીમાં કુલ 11 આરોપીઓની ધરપકડ થઈ ચુકી છે.