રેસિપી / ભાગ્યે જ ખાધી હશે લીલી મકાઈની આ ખાસ ગુજરાતી ડિશ, આજે જ ડિનરમાં કરી લો ટ્રાય

સામગ્રી

-21/2 કિલો મકાઈ
-2 કપ દૂધ
-5 નંગ લીલા મરચાં
-1 નાનો કટકો આદું
-2 ટેબલ સ્પૂન તલ
-1 ટી સ્પૂન તજનો ભૂકો
-1 ટી સ્પૂન લવિંગનો ભૂકો

-1 ટી સ્પૂન મરીનો ભૂકો
-25 ગ્રામ નારિયેળનું ખમણ
-25 ગ્રામ કાજુ
-25 ગ્રામ દ્રાક્ષ
-1 ટેબલ સ્પૂન ઘી
-1 નંગ લીંબુ
-1 ઝૂડી કોથમીર
-મીઠું સ્વાદાનુસાર
-હળદર
-મરચું
-ખાંડ
-તેલ
-તજ
-લવિંગ

રીત

સૌપ્રથમ મકાઈને છોલીને છીણી લો. હવે એક નોન સ્ટિકમાં તેલ ગરમ કરો. તેલ ગરમ થાય એટલે તેમાં તજ-લવિંગનો વઘાર કરો. ત્યાર બાદ મકાઈનો ભૂકો નાખી સાંતળો. ત્યાર બાદ તેમાં મીઠું નાખીને બરાબર મિક્સ કરીને ધીમા તાપે લાઈટ બ્રાઉન રંગની થાય ત્યાં સુધી સાંતળો. બરાબર સંતળાય જાય એટલે તેમાં દૂધ, હળદર, મરચું, આદું-મરચાંની પેસ્ટ, તલ, તજ-લવિંગ-મરીનો ભૂકો, ખાંડ, નાળિયેરનું ખમણ, કાજુ-દ્રાક્ષના કટકા અને એક ચમચો ઘી નાખીને ધીમા તાપે બરાબર મિક્સ કરીને સાંતળો. ચઢવા દો. દાણો બફાઈ જાય અને થોડો ફૂલી જાય એટલે તેમાં લીંબુનો રસ નાખીને બરાબર મિક્સ કરી લો. છેલ્લે સર્વ કરતી વખતે નારિયેળનું છીણ અને કોથમીરથી ગાર્નિશ કરીને સર્વ કરો.