Recipe / ફક્ત 15 મિનિટમાં બનાવી લો આ હેલ્ધી અને ડેલિશિયસ વાનગી, ઠંડીમાં પડશે મજા

• ઘરે જ બનાવો આ ડેલિશિયસ વાનગી
• પનીર ભૂર્જીની સાથે પીરસો ગરમાગરમ પરાઠા
• ફક્ત 15 મિનિટમાં બનાવી લો આ ડિશ

પનીર ભૂર્જી

સામગ્રી

- બસો ગ્રામ પનીર 
- એક ટીસ્પૂન તેલ 
- પા ટીસ્પૂન જીરુ 
- બે લીલા મરચાં 
- એક નાની ડુંગળી 
- પા ટીસ્પૂન હળદર પાવડર 
- અડધી ટીસ્પૂન ગરમ મસાલો 
- એક ટીસ્પૂન આદુ-લસણની પેસ્ટ 
- એક મધ્યમ કદનું ટામેટું 
- અડધી ટીસ્પૂન મીઠું 
- લીલા ધાણા ગાર્નિશ કરવા માટે 

રીત

ડુંગળી, ટામેટું અને મરચાંને ઝીણા ઝીણા સમારી લો. હવે એક કડાઈમાં તેલ ગરમ કરો. તેમાં જીરું, સમારેલી ડુંગળી અને આદુ-લસણની પેસ્ટ ઉમેરો. તે બ્રાઉન રંગની થાય ત્યા સુધી સાંતળો. તેમાં મરચાં અને ટામેટા ઉમેરો અને તે પલ્પી અને નરમ થાય ત્યા સુધી પકાવો. ત્યાર બાદ હળદર, ગરમ મસાલો, મીઠું અને થોડું પાણી ઉમેરીને બધા મસાલાને ચઢવા દો. તેમાં છીણેલું પનીર ઉમેરી 5 મિનિટ સુધી ચઢવા દો. જેથી પનીર સાથે મસાલો મિક્સ થઈ જાય. લીલા ધાણા સાથે ગાર્નિશ કરીને ગરમા ગરમ પનીર ભુર્જી સર્વ કરો. 

પનીર ભૂર્જીને તમે ગરમા ગરમ પરાઠા સાથે સર્વ કરી શકો છો. શિયાળામાં આ ડિશ એક ખાસ મેનૂ બની શકે છે.