જો તમે વાહન ચલાવો છો તો ખૂબ જ જરૂરી ટ્રાફિક નિયમની જાણકારી તમને હોવી જોઈએ. પેટ્રોલ-ડીઝલની આ મોંઘવારીને કારણે વાહન ચલાવવુ પહેલાથી જ મુશ્કેલ થયુ છે. એવામાં જો ચલણ કપાય તો આખા મહિનાનો ઘર ખર્ચ ચલાવવામાં ખૂબ મુશ્કેલી પડે છે. એવામાં જો તમારું પણ ચલણ કાપવામાં આવ્યું છે તો ચિંતા કરવાની જરૂર નથી. અમે તમને એવા નિયમોની જાણકારી આપીશું જેનાથી તમારે ચલણ આવ્યું હશે તો પણ તેને ભરવાની જરૂર નહીં પડે.
ટ્રાફિક પોલીસ તમારું ખોટી રીતે ચલણ કાપે તો શું કરશો?
ટ્રાફિક પોલીસના ચલણને તમે કોર્ટમાં પડકારી શકો છો
ટ્રાફિક પોલીસ તમારી પાસે લાયસન્સ માંગે તો શું કરશો?
તમારી સાથે ખોટું થાય તો તમારે શું કરવુ?
ટ્રાફિક પોલીસનું ચલણ કોર્ટનો આદેશ નથી. તેને કોર્ટમાં પડકારી શકાય છે. આ સ્થિતિમાં જો ટ્રાફિક પોલીસ તમારું ખોટી રીતે ચલણ કાપે છે તો એવા સમયે પોલીસ સાથે ચર્ચા ના કરો. પરંતુ બાદમાં કોર્ટમાં જઇને તેને પડકારીને તમે ચલણથી બચી શકો છો. તમારે હંમેશા ટ્રાફિકના નિયમોનું પાલન કરવુ જોઈએ. પરંતુ જો તમારી સાથે કશું ખોટું થાય છે તો તે પરિસ્થિતિમાંથી બહાર કેવીરીતે નિકળવુ તેની તમને માહિતી હોવી જોઈએ.
ડિજી લૉકર તથા એમ પરિવહન
ડિજી લૉકર અથવા એમ પરિવહનના માધ્યમથી ડ્રાઈવિંગ લાયસન્સ અને અન્ય દસ્તાવેજ જેવા નોંધણી પ્રમાણપત્રને સ્ટોર કરી શકાય છે. કોઈ પણ દસ્તાવેજ ભૌતિક રીતે પોતાની સાથે રાખી શકશો નહીં. જો ટ્રાફિક પોલીસ ડ્રાઈવિંગ લાયસન્સ અને અન્ય દસ્તાવેજ માંગે છે તો વાહનચાલક સૉફ્ટ કોપી બતાવી શકે છે.
નવા ટ્રાફિક નિયમો મુજબ દસ્તાવેજોની ભૌતિક ચકાસણી થશે નહીં. એટલેકે કોઈ પણ દસ્તાવેજ ભૌતિક રીતે પોતાની સાથે નહીં રાખવાના.
જો ટ્રાફિક અધિકારી ડ્રાઈવિંગ લાયસન્સ રદ્દ કરવા માંગે છે તો તે વેબ પોર્ટલના માધ્યમથી ડ્રાઈવિંગ લાયસન્સ રદ્દ કરી શકે છે.
નવા મોટર વાહન અધિનિયમ હેઠળ વાહન ચાલકનો વ્યવહાર પણ જોવામાં આવશે અને પોલીસ અધિકારીની ઓળખ પણ પોર્ટલમાં અપડેટ કરવામાં આવશે.
જ્યારે પણ કોઈ વાહન અથવા ચાલકનું નિરીક્ષણ કરવામાં આવશે. તેની જાણકારી પોર્ટલ પર અપલોડ કરવામાં આવશે.
ટ્રાફિક નિયમોનું ઉલ્લંઘન કરનારા વ્યક્તિઓ માટે ઈ-ચલણ જાહેર કરવામાં આવશે.