ધમકી / ‘અમારા ઓળખીતા ACBમાં છે, પટ્ટો-વરદી ઊતરી જશે’

બી ડિવિઝન ટ્રાફિક પોલીસ સ્ટેશનમાં  ઈ-ચલણ રિકવરી તરીકે ફરજ બજાવતા લોકરક્ષક નીતેષકુમાર રામજીએ  એલિસબ્રિજ પોલીસ સ્ટેશનમાં એક વાહનચાલક સામે ફરિયાદ કરી છે. ગઈ કાલે એક્સાઇઝચોકી પાસે હેલ્મેટ પહેર્યા વગર તેમજ લાઇસન્સ વિનાના વાહનચાલકને પકડીને મેમો આપતા હતા તે દરમિયાન એક વાહનચાલકને બજાજ પલ્સર લઇને ઊભો રાખ્યો હતો અને તેની પાસે પણ લાઇસન્સ માગ્યું હતું.

તેની પાસે લાઇસન્સ ન હતું, જેથી કોઈ ઓળખીતી વ્યક્તિ સાથે ફોન પર વાત કરવા જણાવ્યું હતું, પરંતુ પોલીસે ફોન પર વાત કરવાની ના પાડી દીધી હતી અને ટ્રાફિક પોલીસે એ બે યુવકોને બે ઈ-મેમો ભરવા જણાવ્યું હતું ત્યારબાદ બંને યુવકોએ કોઈ ઓળખીતા અધિકારીને ફોન કર્યો હતો  અને તેમની સાથે વાત કરવા રકઝક કરી હતી.

થોડી વાર પછી બંને યુવકો એકદમ ઉશ્કરાઈ ગયા હતા અને બાઈક પર બેઠેલ યુવક પોલીસ કર્મચારીને બોલવા લાગ્યો કે અમારા ઓળખીતા ગાંધીનગર એસીબીમાં છે, તમારાે પટ્ટાે-ટોપી-વરદી ઊતરી જશે. તે આમ કહીને તે બીભત્સ ગાળો બોલી ધમકી આપતાે હતો.

ત્યારબાદ તેને ગાળો બોલવાની ના પાડી હતી  તેમ છતાં તેણે ગાળો બોલવાનું ચાલુ રાખતાં તેઓ બન્ને યુવકોને એલિસબ્રિજ પોલીસ સ્ટેશન લઇ આવ્યા હતા. બાઈકચાલક વસીમ મનસૂરી અને તેના મિત્ર સહેજાદ મનસૂરીએ પોલીસ કર્મચારી સાથે રકઝક કરતા હતા.