ભ્રષ્ટાચાર / 3000 કરોડના ખર્ચે બનેલી સ્ટેચ્યુ ઓફ યુનિટીમાં પાણી લીકેજ, વરસાદમાં તંત્રની ખુલી ગઈ પોલ

ગુજરાતના નર્મદા સ્થિત કેવડિયામાં સરકાર વલ્લભભાઈ પટેલની વિશ્વની સૌથી ઉંચી પ્રતિમા બનાવવામાં આવી છે. આ પ્રતિમા બનાવવા પાછળ સરકારે 3 હજાર કરોડ રૂપિયાનો અધધ ખર્ચ કર્યો છે. પણ વરસાદ પડતા જ તંત્રની પોલ ખુલી ગઈ છે. વિશ્વની સૌથી મોટી પ્રતિમા સરદાર પટેલના સ્ટેચ્યૂમાં બેદરકારી સામે આવી છે. જે જોઈને તમને પણ નવાઈ લાગશે.. સ્ટેચ્યૂ ઓફ યૂનિટીમાં ઠેર ઠેર વરસાદી પાણી ચૂંવાતુ નજરે પડી રહ્યુ છે.. વ્યૂઇંગ ગેલરી અને અન્ય રૂમોમાં પણ રીતસર વરસાદી પાણી ટપકતુ જોવા મળી રહ્યુ છે. પ્રતિમાની અંદર ઠેર ઠેર વરસાદી પાણી ટપકતા પ્રતિમાની અંદર પણ પાણી પાણી જ જોવા મળી રહી છે. પ્રતિમાની અંદર વરસાદી પાણી ફેલાયુ છે તે વીડિયો પણ સોશિયલ મીડિયામાં વાયરલ થયો છે.