નાના બાળકો સાથે બનતી દુર્ઘટના રોકવા કરો આ ઉપાય

નાના બાળકો ફૂલ જેવા હોય છે. મા-બાપ તેમનામાં જેવા સંસ્કારોનું સિંચન કરે તે એવો આકાર લે છે. ઘરમાં બાળકોની પરેસાની અને બાળકોથી થતી પરેસાની રોકવાના આજે અમે તમને જણાવશું કેટલાક ઉપાયો.

બાળકો પાંચ વર્ષના ના થઈ જાય ત્યાં સુધી એ ઘરમાં જ કેટલાય પ્રકારની દુર્ઘટનાઓનો ભોગ બનતા હોય છે. બાળક બાખોડિયા ભરતાં કે ઘુંટણે ચાલતા શીખે ધીમે ધીમે ઉભા થતાશીખે ત્યારે એમનામાં બહુ જિજ્ઞાસા હોય છે. 

તે સમયે તેઓ દરેક વસ્તુને પકડવાનો અને હાથમાં લઈને જોવાનો પ્રયત્ન કરે છે. આ એવી ઉંમર છે જ્યારે એમને એ સમજાવાવવુ અશક્ય હોય છે કે કઈ વસ્તુને અડવાથી એમને તકલીફ થઈ શકે છે. આવામાં ઝડપથી મોટા થઈ રહેલા બાળક માટે આપણે જ સાવચેત રહીને ઘરને એમના માટે સુરક્ષિત બનાવવું પડશે. 

બાળક ટેકો લઇને ઉભા થતા શીખતું હોય ત્યારે ટેલિફોન કે ફુલદાનીને એની પહોંચથી દૂર રાખો. બાળક ટેકો લઇને ઉભા થતા શીખતું હોય ત્યારે ટેલિફોન કે ફુલદાનીને એની પહોંચથી દૂર રાખો.

જો બાળક પડખું ફરવા લાગ્યું હોય તો તે થોડાં જ દિવસમાં ઉંધુ પણ થવા લાગશે. તેથી એને પથારીમાં એકલું ના મુકો. જો બાળક સરકવાનો પ્રયત્ન કરવા લાગ્યું હોય તો જમીન પર કોઈ અણીયાળી ધારદાર ખરબચડી કે એને મુશ્કેલીમાં મુકે એવી વસ્તુ ના મુકવી.

બધા પ્રકારની પિનો સોય કાતર છરી કાંટા ચમચા માચિસ અને લાઈટર જેવી વસ્તુઓને એમની પહોંચથી દૂર રાખો. સાફસફાઈમાં વપરાતાં પાવડર એસિડ ફિનાઈલ મચ્છર મારવાની ગોળીઓ કે લિક્વિડ વગેરેને કે ઉંચી જગ્યાએ ડ્રોઅરમાં કે કબાટમાં મુકો.

કાંચ અને ચિનાઈ માટીના વાસણો પણ એમની પહોંચથી દૂર કે પછી બંધ કબાટમાં મુકો. મિક્સર ઓવન હીટર અને ટોસ્ટર જેવી વસ્તુઓ ઉપયોગમાં ના લેવાની હોય ત્યારે એના પ્લગ કાઢીને જ મુકો.

ખાવા-પીવાની અને ખાસ કરીને ગરમ વસ્તુઓ એવી જગ્યાએ ના મુકો જ્યાંથી બાળક એને ખેંચીને પોતાના પર ઢોળી લે. કિચનનું કોઇપણ કામ બાળકને ખોળામાં લઇને ના કરશો. શક્ય હોય ત્યાં સુધી એમને રસોડાથી દૂર જ રાખો.

બાળકને નવડાવવા માટે પાણી ગરમ કરતાં હોવ તો ટબ/ડોલમાં પહેલા ઠંડું પાણી મિસ્ક કરી દો. વૉટર હીટર પ્લગ કાઢીને ઉંચાઈ પર મુકી દો. બાળક આસપાસ હોય તો ચા કૉફીના કપ સેન્ટર ટેબલ પર ના મુકશો અને મુકો તો પૂરતી તકેદારી રાખો. બાળકની ઉપરથી ગરમ પીણાં કે ગ્લાસની આપ-લે ના કરશો