Health Tips / કેલ્શિયમની કમી જ નહીં, તમારી આટલી આદતોથી પણ હાડકાં પડી શકે છે નબળાં

• નાની ઉંમરમાં નબળા પડી જતાં હાડકાને મજબૂત કરવાની ટિપ્સ
• ડાયટમાં આમળાં, દૂધ, જીરું જેવી વસ્તુઓ કરો સામેલ 
• કેટલીક આદતો છોડવાથી થાય છે ફાયદો 

આપને જણાવી દઇએ કે, માત્ર કેલ્શિયમની કમી જ નહીં, પરંતુ આપણી રોજિંદી કેટલીક આદતો પણ હાડકાં નબળાં બનાવે છે. 

વધુ ધૂમ્રપાન કરવું:

જો તમને ધૂમ્રપાનનું વ્યસન થઇ ચૂક્યું હોય તો ચેતી જજો, કેમ કે સ્મોકિંગથી બોન ટિશ્યૂ અને હાડકાંના ઘનત્વને નુકસાન પહોંચે છે, જેનાથી હાડકાં ધીમે ધીમે નબળાં પડવા લાગે છે. 

આલ્કોહોલનું સેવન : 

આલ્કોહોલ શરીરમાં કેલ્શિયમની કમીને અવશોષિત કરે છે, જેના કારણે તે હાડકાં સુધી પહોંચી શકતું નથી. આવા સંજોગોમાં વધુ દારૂ પીવાથી શરીરમાં કેલ્શિયમની કમી પૂરી થતી નથી અને હાડકાં નબળાં બને છે.

શારીરિક એક્ટિવિટીમાં ઘટાડો:

આજકાલ લોકો માટે એટલી સુવિધાઓ બની ચૂકી છે, જેમાં ફિઝિકલ એક્ટિવિટીને સ્થાન નથી. તમે જાણતાં નથી કે શારીરિક એક્ટિવિટીમાં ઘટાડાથી પણ હાડકાં નબળાં બને છે. તેથી રોજ એક્સર્સાઇઝ કરવાની સાથે લિફ્ટના બદલે સીડીનો ઉપયોગ કરવાની ટેવ પાડો. 

 વધુ પડતી દવાઓનું સેવન:

માથાનો દુખાવો, પેટનો દુખાવો, શરદી-ખાંસી માટે લોકો ડોક્ટરની સલાહ વગર જ દવા લે છે. વધુ પડતી દવાઓના સેવનથી લિવરને નુકસાન થાય છે અને હાડકાં પણ નબળાં બને છે. 

વધુ પડતું મીઠું ખાવું: 

કેટલાક લોકોને જમવામાં મીઠાનું વધુ પ્રમાણ પસંદ છે. આ કારણે હાડકાં સમય કરતાંં પહેલાં નબળાં બની જાય છે. મીઠું શરીરમાં કેલ્શિયમને અવશોષિત કરી દે છે અને તે યુરિનમાં બહાર નીકળી જાય છે. 

 કેલ્શિયમની કમી આમ પૂરી કરો:

શરીરમાં કેલ્શિયમની કમી હોય તો ડાયટમાં આમળાં, દૂધ, જીરું, લસણ, આદું, અશ્વગંધા, દહીં, ઇંડાં, નટ્સ, મગફળી, અખરોટ, લીલાં શાકભાજી લો.