તમારી રસોઇમાં જો વાસણો ચમકતા હોય તો તમને ગમે છે. પણ જો ખાવાનું બનાવતા આ વાસણો બળી જાય છે તો તેને સાફ કરવાનું કામ તમારા માટે ઘણું મુશ્કેલ હોય છે. તમે તેને ઘસીને થાકી જાવ છો. આ સમયે અમે આપને માટે એવી કેટલીક ટિપ્સ લાવ્યા છીએ જે તમારી મદદ કરી શકે છે. આ ચીજો તમને તમારી રસોઇમાં સરળતાથી મળી રહે છે. તો રાહ કોની જુઓ છો, લાગી જાઓ ફટાફટ તમારા બળેલા વાસણોને સાફ કરવા.
ડુંગળી
ડુંગળીના નાના ટુકડા કરી તેને કાપીને બળેલા વાસણમાં નાંખો. તેમાં પાણી નાંખીને ગરમ કરો. થોડીવારમાં વાસણ પરથી બળેલી ચીજો પાણી પર તરવા લાગશે.
મીઠું
બળેલા વાસણમાં મીઠું અને પાણી નાંખી 5 મિનિટ ઉકાળો. તેને તારના બ્રશથી સાફ કરી લો. તે ચમકશે.
બેકિંગ સોડા
બળેલા વાસણમાં 1 ચમચી બેકિંગ સોડા, 2 ચમચી લીંબુનો રસ અને 2 કપ ગરમ પાણી નાંખો. તારના કુચડાથી સાફ કરી લો. જલ્દી ચમકશે.
લીંબુનો રસ
એક કાચું લીંબુ લો અને વાસણના ડાઘ પર ઘસો. તેમાં 3 કપ ગરમ પાણી નાંખો અને બ્રશથી બળેલા ડાઘ સાફ કરી લો.
ટામેટાનો રસ
ટામેટાનો રસ અને પાણીને મિક્સ કરીને બળેલા વાસણમાં નાંખો અને તેને ગરમ કરો. તેને બ્રશથી સાફ કરે. તેની ચમક પાછઈ આવશે.
આમલીનો રસ
બળેલા વાસણને સાફ કરવામાં આમલીનો રસ ઘણી મદદ કરે છે. તે ટામેટાના રસની જેમ કામ કરે છે. તેની ખટાશથી ચિકાશ પણ દૂર થાય છે.