ડાન્સ રિયાલીટી શૉ ઇન્ડિયાઝ બેસ્ટ ડાન્સર સૌનો ફેવરિટ શૉ છે અને તેમાં પણ ટોપ 5 ફાઇનલિસ્ટ વચ્ચેની જંગ ખુબ જ શાનદાર રહી હતી. રવિવારે ગ્રાન્ડ ફિનાલેમાં ગુરુગ્રામના ટાયગર પોપે ટ્રોફી પોતાના નામ કરી હતી.
ટ્રોફી સાથે શું મળ્યુ
બાકીના 4 ફાઇનલિસ્ટને મ્હાત આપીને ટાયગરે ટ્રોફી પોતાના નામે કરી, તેની સાથે તેને 15 લાખનો ચૅક અને એક SUV કાર પણ મળી હતી. ટાયગરની કોરિયોગ્રાફર વર્તિકા ઝાને 5 લાખ રૂપિયાનો ચૅક આપવામાં આવ્યો હતો.
કોણ હતા ટોપ 5 ડાન્સર
ઘણા બધા ડાન્સર સાથે શરૂ થયેલ આ શૉમાં ટોપ 5 ડાન્સરમાં વિજેતા ટાયગર પોપ સિવાય મુકુલ જૈન, શુભ્રનિલ પૌલ, શ્વેતા વોરિયર અને પરમદીપ હતા. ટાયગર વિનર બન્યો તે બાદ મુકુલ રનર અપ રહ્યો હતો અને શ્વેતા ત્રીજા સ્થાન પર આવી હતી.
ગ્રાન્ડ ફિનાલે ડાન્સ અને મસ્તીથી ભરેલો રહ્યો. ફિનાલેમાં કોરિયોગ્રાફર રાઘવ જુયાલ અને ધર્મેશ સામેલ થયા હતા. કૃષ્ણા અભિષેક સ્પેશિયલ ગેસ્ટ તરીકે સામેલ થયા હતા અને શૉને ભારતી તેમજ હર્ષ હોસ્ટ કરી રહ્યા હતા.
ટાયગરનું રિએક્શન
ટાયગરે કહ્યું કે, હું આજે ખુબ ખુશ છું. મારા નાનપણનું સપનું આજે પુરુ થયુ છે અને અહીં સુધી પહોંચવા માટે મેં ખુબ મહેનત કરી છે. મારી ઇચ્છા છે કે હું ઋતિક રોશન અને ટાયગર શ્રોફ માટે કોરિયોગ્રાફી કરું. હું બોલિવૂડમાં કામ કરવા માગુ છુ અને ઇન્ટરનેશનલ લેવલ પર ઇન્ડિયાને રિપ્રેઝન્ટ કરવા માગુ છું.