ઘણી વખત ટ્રેન પકડવાના ચક્કરમાં થતી દુર્ઘટનાઓ વિશેના સમાચાર કે વીડિયો જોયા હશે. તાજેતરમાં જ મુંબઇના કલ્યાણ સ્ટેશન પર પણ કંઇક એવું થયું પરંતુ ઘટનાના સમયે હાજર ટિકિટ ચેકરની સતર્કતાને કારણે યાત્રીનો જીવ બચી ગયો હતો.
વાસ્તવમાં મુંબઇના કલ્યાણ સ્ટેશન પર ફરજ પર તૈનાતા ટિકિટ ચેકર શંશિકાતે એક યાત્રીનો જીવ બચાવ્યો હતો. યાત્રીની થોડી બેદરકારીને કારણે તેણે પોતાનો જીવ જોખમમાં મુકી દીધો હતો. પરંતુ ટિકિટ ચેકરની સતર્કતાથી સંદીપ નામનો વ્યકિતને ટ્રેન નીચે પટકાતા બચી ગયો છે.
ઉત્તર પ્રદેશના રહેવાસી સંદીપ સોનકર ગામ જવા માટે કલ્યાણ સ્ટેશન પર પુષ્પક ટ્રેન પકડવા માટે પહોંચ્યો હતો અને થોડો મોડો પડતાં ટ્રેન ચાલુ થઇ ગઇ હતી. અને ચાલતી ટ્રેન પકડવાના પ્રયાસ કરતા તેનું બેલેન્સ બગડતા પ્લેટફોર્મ પર પડી ગયો પરંતુ આ સમયે ટિકિટ ચેકરની સતર્કતાના કારણે સંદીપ ટ્રેનની નીચે આવતા બચી ગયો હતો.