ઝારખંડની એક સ્થાનિક કોર્ટે દુષ્કર્મ કેસમાં ઉત્તમ ઉદાહરણ રજૂ કર્યું છે. દુમકા જિલ્લા કોર્ટે છ વર્ષની બાળકી સાથે દુષ્કર્મ અને હત્યા કેસમાં સુનાવણી માત્ર 27 દિવસમાં પૂર્ણ કરી નાખીએ સલામને લાયક છે. દુષ્કર્મ અને હત્યા કેસમાં કોર્ટે પીડિતાના કાકા સહિત ત્રણેય ગુનેગારોને ફાંસીની સજા સંભળાવી છે.
ત્રણ નરાધમોએ છ વર્ષની બાળકી સાથે દુષ્કર્મ આચર્યું અને બાદમાં તેની હત્યા કરી નાખી હતી. એટલું જ નહીં આ ત્રણેયે બાળકીના મૃતદેહને દાટી પણ દીધો હતો. દુમકા જિલ્લા કોર્ટના જજ તૌફિક-ઉલ-હસને આ મામલે સુનાવણી કરતા મંગળવારે ચુકાદો સંભળાવ્યો. પીડિતાના કાકા મિટ્ટુ રાય સિવાય પંકજ મોહાલી અને અશોક રાયે આ મામલે દુષ્કર્મ અને હત્યાના ગુનેગાર ગણાવ્યા. કોર્ટે ત્રણેયને ફાંસીની સજા સંભળાવી. આ સિવાય ત્રણેય પર 50-50 હજાર રૂપિયાનો દંડ પણ લગાવ્યો છે.
રેપ બાદ ગળુ દબાવીને લીધો હતો જીવ
તમામ ગુનેગારોની ઉંમર 19થી 26 વર્ષ વચ્ચે છે. જણાવાય રહ્યુ છે કે આ ત્રણેય 5 ફેબ્રુઆરી 2020એ બાળકીને મેળો જોવાના બહાને લઇ જઇને દુષ્કર્મ આચર્યું હતું. બાળકી કોઇને કઇ ના દે તે માટે ગળુ દબાવીને હત્યા કરી હતી અને તેમના મૃતદેહને દાટી દીધો હતો. મામલો ત્યારે સામે આવ્યો હતો જ્યારે પોલીસે બાળકીના મૃતદેહને રામગઢ પોલીસ વિસ્તારમાંથી શોધ્યો હતો.
પૂછપરછમાં ત્રણેયે સ્વીકાર્યું હતું કે 5 ફેબ્રુઆરીએ આ ત્રણેયે ઘટનાને અંજામ આપ્યો હતો અને મૃતદેહને જમીનમાં દફનાવી દીધો હતો. 7 ફેબ્રુઆરી 2020એ મૃતદેહ મળી આવ્યો હતો. આ મામલે પોલીસે 14 દિવસની અંદર 12 ફેબ્રુઆરીએ જ ચાર્જશીટ ફાઇલ કરી હતી. અધિકારીઓએ જણાવ્યું કે ટ્રાયલ 28 ફેબ્રુઆરીએ શરૂ થયું હતું.