હાલ ટાટા મોટર્સ(Tata Motors)ની સૌથી સસ્તી ઇલેક્ટ્રિક કાર Tiago EVની બુકિંગ 10 ઓક્ટોબરથી શરૂ થવા જઈ રહી છે અને કંપનીએ આ કારને લઈને ઘણા જબરદસ્ત દાવા કર્યા છે.
Tiago EVની બુકિંગ 10 ઓક્ટોબરથી શરૂ થવા જઈ રહી છે
Tiago EV ટાટા મોટર્સની ત્રીજી ઇલેક્ટ્રિક કાર છે.
એક કિલોમીટર પર 6.5 રૂપિયાની બચત થશે
દેશમાં ઇલેક્ટ્રિક વાહનોની વધતી માંગને ધ્યાનમાં રાખીને ટાટા મોટર્સ (Tata Motors) આ સેગમેન્ટમાં તેની પકડ મજબૂત કરવાનો પ્રયાસ કરી રહી છે. હાલ ટાટા મોટર્સ(Tata Motors)ની સૌથી સસ્તી ઇલેક્ટ્રિક કાર Tiago EVની બુકિંગ 10 ઓક્ટોબરથી શરૂ થવા જઈ રહી છે અને કંપનીએ આ કારને લઈને ઘણા જબરદસ્ત દાવા કર્યા છે. જણાવી દઈએ કે Tiago EV ટાટા મોટર્સની ત્રીજી ઇલેક્ટ્રિક કાર છે. કંપનીના ઇલેક્ટ્રિક વાહનોના પોર્ટફોલિયોમાં નેક્સન ઇવી અને ટિગોર ઇવીનો સમાવેશ થાય છે અને હવે કંપની Tiago EV સાથે ઇલેક્ટ્રિક હેચબેક સેગમેન્ટમાં એન્ટ્રી મારવા જઈ રહ્યા છે.
એક કિલોમીટર પર 6.5 રૂપિયાની બચત
ટાટા મોટર્સે Tiago EVની ડ્રાઇવિંગ કિંમત અંગે મોટો દાવો કરતાં કહ્યું છે કે પેટ્રોલ કારની સરખામણીમાં એમની આ કાર ચલાવવાથી પ્રતિ કિલોમીટર 6.5 રૂપિયાની બચત થઈ શકે છે. આ સાથે કંપનીએ તેના તુલનાત્મક ડેટા પણ રજૂ કર્યો હતો. ટાટા મોટર્સના એ દાવા અનુસાર જો કોઈ આ રેન્જની પેટ્રોલ કાર ચલાવે છે તો તેમણે હજાર કિલોમીટર ચલાવવા માટે 7,500 રૂપિયાનું ઓઇલ જોઈશે પણ તેની સામે Tiago EVને 1000 કિમી સુધી ચલાવવાનો ખર્ચ માત્ર 1,100 રૂપિયા આવશે. આ રીતે 1000 કિલોમીટરની ડ્રાઇવમાં પેટ્રોલ કારની સરખામણીમાં Tiago EV ચલાવીને લગભગ 6,500 રૂપિયા બચાવી શકો છો.
10 ઓકટોબરથી શરૂ થશે બુકિંગ
Tiago EVનું બુકિંગ આવતીકાલે એટલે કે 10 ઓક્ટોબરે બપોરે 12 વાગ્યાથી શરૂ થશે. આ માટે ગ્રાહકો કોઈપણ અધિકૃત ટાટા મોટર્સ ડીલરશીપ અથવા વેબસાઇટ પર 21,000 રૂપિયાની ટોકન રકમ જમા કરીને Tiago ઈલેક્ટ્રિક બુક કરી શકે છે. જણાવી દઈએ કે આ કારની ડિલિવરી જાન્યુઆરી 2023થી શરૂ થશે. Tiago EV ટેસ્ટ ડ્રાઈવ માટે ડિસેમ્બરથી ઉપલબ્ધ થશે. ખાસ જાણવાનું એ રહ્યું કે Tiago EV Ziptron ટેક્નોલોજી પર આધારિત છે અને આ કારની કિંમત 8.49 લાખ રૂપિયાથી 11.79 લાખ રૂપિયા સુધીની રહેશે.
કેટલી હશે Tiago EVની રેન્જ ?
ગ્રાહકોની વિવિધ જરૂરિયાતોને સમજીને Tiago EV ને IP67 રેટેડ બેટરી પેક અને 24kWh બેટરી પેક સહિત ઘણા ચાર્જિંગ ઓપ્શન સાથે રજૂ કરવામાં આવશે. આ સાથે જ કંપનીનો દાવો કરે છે કે 24kWh બેટરી પેક સાથે Tiago EVની રેન્જ 315 કિમીની થશે અને આ સિવાય ટાટા મોટર્સે 19.2kWh ના બેટરી પેક સાથે Tiago EV પણ રજૂ કરી છે જેની રેન્જ 250 કિમી હોવાનું કહેવાય છે. આ સાથે જ કંપનીએ કહ્યું કે મોટર અને બેટરી 8 વર્ષ અથવા તો 1,60,000 કિલોમીટરની વોરંટી સાથે આવશે.
કેટલા સમયમાં ચાર્જ થઈ જશે?
કંપનીએ કહ્યું છે કે ગ્રાહકોની અપેક્ષાઓ પૂરી કરવા અને ઈન્સાઈટ્સના આધારે 24kWh બેટરી પેક વેરિઅન્ટને પ્રોડક્શનના મોરચે પ્રાથમિકતા આપવામાં આવી છે. જો કે બંને બેટરી પેક ફાસ્ટ ચાર્જિંગ માટે સક્ષમ છે અને તેને DC ફાસ્ટ ચાર્જરનો ઉપયોગ કરીને લગભગ 57 મિનિટમાં 80 ટકા સુધી ચાર્જ થઈ શકે છે. આ કારમાં હિલ સ્ટાર્ટ અને ડિસેન્ટ આસિસ્ટ, TPMS, ઓટોમેટિક ક્લાઈમેટ કંટ્રોલ ની સાથે મલ્ટિ-મોડ રિજન ફીચર સાથે પણ ઓફર કરવામાં આવી રહ્યું છે.