ફળો / ઓહો! કાશ્મીરનાં સફરજન કરતાં પણ શિવાલિકનાં આ જામફળ મોંઘાં છે...!

• શિવાલિકનાં જામફળની કિંમત ૧૨૦ રૂપિયે કિલો
• સામાન્ય જામફળની સરખામણીમાં ખૂબ જ મીઠાં અને આકાર મોટો 

શિવાલિકની પહાડીઓમાં વસેલા બેહટ ક્ષેત્રને કેરીની ઉત્કૃષ્ટ ખેતી માટે ઓળખવામાં આવે છે. આંતરરાષ્ટ્રીય કેરી પ્રદર્શનમાં પણ આ કેરી છવાયેલી રહે છે. દર વર્ષે અહીંથી કરોડો રૂપિયાની કેરી વિદેશ મોકલાય છે.

આ ક્ષેત્ર ફળના પટ્ટા તરીકે જાહેર થયું છે. બદલાતી પરિસ્થિતિમાં શિવાલિક પહાડીઓની વચ્ચે આવેલા ધાડ ક્ષેત્રએ અત્યાર સુધી જામફળના ઉત્પાદનમાં પણ નવો રેકોર્ડ બનાવ્યો છે. 

સફરજન કરતાં મોંઘાં હોવાનું કારણ એ પણ છે કે અહીંનાં જામફળ સામાન્ય જામફળની સરખામણીમાં ખૂબ જ મીઠાં હોય છે. તેનો આકાર પણ મોટો હોય છે. ડાયાબિટીસના રોગીઓ માટે તે ખૂબ જ ફાયદાકારક મનાય છે. આ તેનું આકર્ષણ પણ છે. એ જ કારણ છે કે અહીંના ખેડૂતો હવે જામફળને કેરી કરતાં પણ વધુ ફાયદાનો સોદો માનવા લાગ્યા છે. કાશ્મીરથી અહીં પહોંચનાર સફરજનની કિંમત ૪૦ થી ૫૦ રૂપિયે કિલો છે, જ્યારે જામફળ ૮૦ થી ૧૨૦ રૂપિયે પ્રતિકિલો સુધી વેચાય છે.