IPLIN
 

રાજનીતિ / મુંબઈમાં ઠાકરે-પવારની સામે 162 ધારાસભ્યોએ લીધા સોગંદ, ભાજપે કહ્યું બાલાસાહેબનું થયું અપમાન

Team VTV 08:43 PM, 25 Nov 19 | Updated: 10:20 PM, 25 Nov 19
Follow us
This is not Goa, this is Maharashtra : NCP Chief Sharad Pawar

મહારાષ્ટ્રમાં રાજકીય ઘમાસાણ વચ્ચે શિવસેના, એનસીપી અને કોંગ્રેસ તેમના ધારાસભ્યોની પરેડ ગ્રાન્ડ હયાત હોટલ ખાતે કરાવી રહી છે. શિવસેનાના ધારાસભ્યોને લઇને 2 બસ હોટલ ગ્રાન્ડ હયાતમાં પહોંચી હતી. 

  • મુંબઈની હયાત હોટલમાં ધારાસભ્યોનું શક્તિ પ્રદર્શન
  • શરદ પવારે કહ્યું- આ ગોવા નથી મહારાષ્ટ્ર છે
  • ઉદ્ધવ ઠાકરેનું ભાજપ પર નિશાન- હવે બતાવીશું શિવસેના શું છે 

એનસીપીના પ્રમુખ શરદ પવાર અને સુપ્રિયા સુલે પણ ગ્રાન્ડ હયાટ હોટલમાં પહોંચ્યા હતા. કોંગ્રેસના નેતા મલ્લિકાર્જુન ખડગ અને ચરણસિંહ સાપરા પણ હોટલ ગ્રાન્ડ હયાતમાં હાજર છે. ત્યારે ઉદ્ધવ ઠાકરેએ ભાજપ પર નિશાન સાધતા કહ્યું હતું કે હવે બતાવીશું શિવસેના શું છે. 

શરદ પવારે ભાજપ પર સાધ્યું નિશાન 

ગ્રાન્ડ હયાત હોટલમાં ધારાસભ્યોને સંબોધન કરતા એનસીપી અધ્યક્ષ શરદ પવારે કહ્યું કે અજિત પવારે બધાને ગેરમાર્ગે દોર્યા છે, હવે તે કોઈ નિર્ણય લઈ શકે નહીં. તેમણે કહ્યું કે અજિત પવાર વિરુદ્ધ કાર્યવાહી કરશે. શરદ પવારે કહ્યું કે એનસીપી જરૂર પડે તો વ્હિપ જારી કરશે અને જે લોકો વ્હિપનું પાલન કરશે નહીં તેની સામે કાર્યવાહી કરવામાં આવશે. 

શરદ પવારે ધારાસભ્યોને કહ્યું કે કર્ણાટક, ગોવા અને મણિપુરમાં ભાજપે બહુમતી વિના સરકાર બનાવી. તેમણે કહ્યું કે આ લોકો લોકશાહી પ્રક્રિયામાં વિશ્વાસ નથી કરતા, પવારે કહ્યું કે કેન્દ્ર સત્તાનો દુરુપયોગ કરી રહી છે.

આ ગોવા નથી મહારાષ્ટ્ર છે

શરદ પવારે કહ્યું કે વિધાનસભામાં બહુમત સાબિત કરવામાં ત્રણેય પક્ષોને કોઈ મુશ્કેલી નહીં પડે. પવારે કહ્યું કે વિધાનસભામાં ફ્લોર ટેસ્ટના દિવસે હું 162 થી વધુ ધારાસભ્યોને લઇ આવીશ, તેમણે કહ્યું કે તે ગોવા નથી પરંતુ મહારાષ્ટ્ર છે.

અમે હવે બતાવીશું, શિવસેના શું છેઃ ઉદ્ધવ ઠાકરે

શિવસેના પ્રમુખ ઉદ્ધવ ઠાકરેએ કહ્યું કે અમે છેલ્લા 25-30 વર્ષોથી તમારી સાથે હતા, ત્યારે તમે સમજી ન શક્યા. હવે અમે જણાવીશું કે શિવસેના શું વસ્તુ છે. તેમણે કહ્યું કે અમે માત્ર 5 વર્ષ સરકાર બનાવવા માટે નહીં, લાંબા સમય સુધી ચલાવવા માટે સાથે આવ્યા છીએ.

માત્ર 162 નહીં, આનાથી વધુ આપણે છીએ

પૂર્વ મુખ્યમંત્રી અશોક ચૌહાણે ધારાસભ્યોની પરેડને સંબોધિત કરતા કહ્યું કે માત્ર 162 નહીં, 162થી વધુ છે. મહાઅઘાડીની જ સરકાર બનશે અને અમે સ્થિર સરકાર આપીશું. તેમણે કહ્યું કે અમે રાજભવન ગયા અને 162 ધારાસભ્યોની ચિઠ્ઠી તેમને સોંપી છે. જનતાના પસંદ કરાયેલા ધારાસભ્યો અહીં બેઠા છે. કોઇ બીજાને મોકો ન મળવો જોઇએ.

Maharashtra Political Crisis ઉદ્ધવ ઠાકરે મહારાષ્ટ્ર શરદ પવાર Shiv Sena NCP congress ગુજરાતી ન્યૂઝ MLA
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ