ગુજરાતની આ હોસ્પિટલ પડી 'બીમાર' તંત્ર ક્યારે કરશે 'સારવાર'

છોટાઉદેપુર જીલ્લાના નાના અમાદરા ગામે આવેલી હોસ્પિટલની હાલત જર્જરિત અને બિસ્માર બની ગઈ છે. તો બોડેલીમાં આવેલી આ એક માત્ર હોસ્પિલ છે જ્યાં આસપાસના ગામડાઓના લોકો સારવાર માટે આવે છે. આ હોસ્પિટલનું નિર્માણ 1956ની સાલમાં થયુ હતું. એટલે કે આ હોસ્પિટલને આસરે 65 વર્ષથી પણ જુનુ બાંધકામ ધરાવે છે. 

આટલા વર્ષ જૂની હોસ્પિટલના છતમાંથી પોપડાઓ પડી રહ્યા છે. જ્યારે તબીબો પણ છત નીચે બેસતા ડરે છે. અને દર્દીઓ તો સારવાર માટે બહારથી જ દવા લઈને જતા રહે છે. જો કો હોસ્પિટલની બાજુમાં જ એક પ્રાથમિક શાળા આવેલી છે. જેથી લોકોને ભય સતાવી રહ્યો છે કે આ હોસ્પિટલ કયારેય પણ ધરાશઆયી થઈ શકો છે. 

જો આમ થશે તો પ્રાથમિક શાળાના બાળકોને પણ હાનિ પહોંચી શકે છે. ત્યારે ગામ લોકો અને તબીબોની એવી માંગ છે કે આ હોસ્પિટલનું સમારકામ કરવામાં આવે જેથી 20થી પણ વધુ ગામના લોકોને સારવાર મળી રહે. અને કોઈ અનિચ્છનીય ઘટના ના ઘટે.