શિક્ષણ સમાચાર / કોંગ્રેસના આ ધારાસભ્યએ યુનિવર્સિટીના વિદ્યાર્થીઓની ફી પરત કરવાની કરી માગ, જાણો પત્રમાં શું લખ્યું 

• યુનિવર્સિટીના વિદ્યાર્થીઓની ફી પરત કરવાની માંગ 
• કોંગ્રેસના આ ધારાસભ્યએ શિક્ષણમંત્રી અને રાજ્યપાલને લખ્યો પત્ર
•  ઈમરાન ખેડાવાલાએ  ટ્યુશન ફી, પરીક્ષા ફી પરત કરવામાં આવે તેવી માંગ કરી 

રાજ્યમાં કોરોના સંક્રમણ અને કોરોના કેસ વધતા રાજ્ય સરકાર દ્વારા શાળાઓમાં પરીક્ષા મોકૂફ કરવામાં આવી હતી અને જે બાદ પરીક્ષા ન યોજાતા અનેક વિદ્યાર્થીઓને માસ પ્રમોશન આપવામાં આવ્યું હતું, શાળાઓ બાદ કોલેજોમાં પણ વિદ્યાર્થીઓને માસ પ્રમોશન અપાતા વિદ્યાર્થીઓને પરીક્ષા ફી પરત આપવામાં આવે તેવી માંગ ઉઠી છે કોંગ્રેસના ધારાસભ્યો દ્વારા ફી પરત કરવાની માંગ કરાઈ રહી છે ત્યારે કોંગ્રેસના વધુ એક ધારાસભ્યએ ફી પરત કરવામાં આવે તેવી માંગ કરી છે. કોંગ્રેસના ધારાસભ્ય ઈમરાન ખેડાવાલા દ્વારા કોલેજના વિદ્યાર્થીઓને પરીક્ષા ફી પરત કરવામાં આવે તેવી માંગ કરવામાં આવી છે.

યુનિવર્સિટીના વિદ્યાર્થીઓની ફી પરત કરવાની માંગ 

રાજ્યમાં કોરોના સંક્રમણને લઈને અનેક શાળાઓ બાદ યુનિવર્સિટીઓમાં પણ માસ પ્રમોશન આપવામાં આવ્યું છે જેને લઈ કોંગ્રેસના ધારાસભ્ય ઈમરાન ખેડાવાલાએ શિક્ષણમંત્રી અને રાજ્યપાલને પત્ર લખવામાં આવ્યો છે અને યુનિવર્સિટીના વિદ્યાર્થીઓને પરીક્ષા ફી પરત કરવામાં આવે તેવી માંગ કરી છે. પત્રમાં ધારાસભ્ય ઈમરાન ખેડાવાલાએ રજૂઆત કરતા જણાવ્યું છે કે સરકારી અને ખાનગી કોલેજોમાં પ્રથમ વર્ષ અને બીજા વર્ષના વિદ્યાર્થીઓને માસ પ્રમોશન આપવામાં આવ્યું છે ત્યારે વિદ્યાર્થીઓને ફી પરત કરવામાં આવે તેવી માંગ કરાઈ છે.

શિક્ષણમંત્રી અને રાજ્યપાલને પત્ર 

કોંગ્રેસ MLA ઇમરાન ખેડાવાલાએ શિક્ષણમંત્રી અને રાજ્યપાલને પત્રમાં યુનિવર્સિટીના વિદ્યાર્થીઓની પરીક્ષા ફી પરત કરવા માગ કરી છે.સરકારી અને ખાનગી યુનિવર્સિટીની ફી પરત કરવા ઈમરાન ખેડાવાલાએ રજૂઆત કરતા ટ્યુશન ફી, પરીક્ષા ફી પરત કરવામાં આવે તેવી માંગ કરી છે મહત્વનું છે કે, ખાનગી અને સરકારી કોલેજમાં પ્રથમ વર્ષ અને બીજા વર્ષના વિદ્યાર્થીઓને પ્રમોશન અપાયું છે. ત્યારે વિદ્યાર્થીઓને ફી પરત કરવામાં આવે તેવી રજૂઆત કરવામાં આવી છે.