આગામી દિવસોમાં પેટ્રોલ -ડીઝલની કિંમતમાં વધારો થઈ શકે છે. તેલનું ઉત્પાદન કરતા દેશોએ જુલાઈ સુધી ઉત્પાદનમાં ભારે કાપ મુક્યો છે. જયારથી આ દેશોએ ઉત્પાદનમાં કાપ મુક્યો છે ત્યારથી કાચા તેલની કિંમતમાં તેજી આવી છે. ગત બે મહિનાથી કાચા તેલનો ભાવ બે ગણો થયો છે. અત્યારે કાચા તેલનો આંતરરાષ્ટ્રીય બજાર ભાવ 42 ડોલર છે. તેલ ઉત્પાદનમાં કાપ મુકવાને લઈને OPEC અને રશિયા વચ્ચે સહમતિ બની છે અને તેને લઈને ડ્રાફ્ટ તૈયાર કરાયો છે.
પેટ્રોલ-ડીઝલના ભાવ વધશે
કાચા તેલના ભાવ 20 ડોલરથી 40 ડોલર થયા
પ્રતિબેરલ કાચા તેલના ભાવમાં વધારો
આ ડ્રાફ્ટ મુજબ નાઈઝીરિયા, ઈરાક જેવા દેશ કોટાથી ઉત્પાદન કરી રહ્યા છે. તેમણે જુલાથી સપ્ટેમ્બર સુધી વધારે કાપ મુકવો પડશે અને તેના કારણે પેટ્રોલ ડીઝલના ભાવમાં ભડકો થશે. લૉકડાઉનના કારણે એપ્રિલ મહિનામાં કાચા તેલની માગમાં ઘટાડો થયો છે. તેના કારણે કાચા તેલનો ભાવ પ્રતિબેરલ 20 ડોલરે પહોંચ્યો હતો. અને તે સમયે ઓપેક પ્લસ દેશોએ સહમતિ દર્શાવી હતી કે આગામી બે મહિના 9.7 લાખ બેરલ કાચા તેલના ઉત્પાદનમાં કાપ મુકશે અને તે કરતા હાલ પ્રતિબેરલ 40 ડોલરનો ભાવ થયો છે.