Post Office ઘણી બચત યોજનાઓ ચલાવે છે. આ યોજનાની સૌથી ખાસ વાત એ છે કે તેના પર સરકારની ગેરેન્ટી હોય છે.
પોસ્ટ ઓફિસની યોજનામાં ઝીરો રિસ્ક
આ યોજનાઆમાં કરો રોકાણ
પૈસા થઈ જશે ડબલ
પોસ્ટ ઓફિસની યોજના ઝીરો રિસ્ક પર સારો પ્રોફિટ આપે છે. પોસ્ટ ઓફિસની સૌથી ખાસ વાત એ છે કે તેના પર સરકારની ગેરેન્ટ હોય છે. એટલે કે અહીં રિસ્ક ફેક્ટર ખૂબ ઓછુ હોય છે. આવો જાણીએ પોસ્ટ ઓફિસની બચત યોજનાઓ વિશે. જેમાં તમે ઈન્વેસ્ટ કરશો તો તમારા પૈસા ડબલ થઈ જશે. સાથે જ આ દરેક યોજનાઓના વ્યાજદરો વિશે પણ જાણીએ.
Post Office ટાઈમ ડિપોઝિટ
પોસ્ટ ઓફિસની 1 વર્ષથી લઈને 3 વર્ષ સુધીની ટાઈમ ડિપોઝિટ (TD) પર આ સમયે 5.5 ટકા વ્યાજ મળી રહ્યું છે. જો તમે તેના પર રોકાણ કરો છો તો તમારા પૈસા લગભગ 13 વર્ષમાં ડબલ થઈ જશે. માટે 5 વર્ષના ટાઈમ ડિપોઝિટ પર તમને 6.7 ટકા વ્યાજ મળી રહ્યું છે. આ વ્યાજદરથી જો પૈસાનું રોકાણ કરવામાં આવે તો તમારા પૈસા લગભગ 10.75 વર્ષમાં ડબલ થઈ જશે.
Post Office સેવિંગ બેન્ક એકાઉન્ટ
પોસ્ટ ઓફિસ સેવિંગ એકાઉન્ટમાં જો તમે પોતાના પૈસા લગાવો છો તો તમારા પૈસા ડબલ થવામાં લાંબી રાહ જોવી પડી શકે છે. કારણ કે તેમાં 4.0 ટકા જ વ્યાજ મળે છે. એટલે તમાપા પૈસા 18 વર્ષમાં ડબલ થશે.
Post Office રિકરિંગ ડિપોઝિટ
પોસ્ટ ઓફિસ રિકરિંગ ડિપોઝિટ પર તમને હાલ 5.8 ટકા વ્યાજ આપવામાં આવી રહ્યું છે. એવામાં આ વ્યાજદરથી તમારા પૈસાનું રોકાણ કરવામાં આવે તો તે લગભગ 12.41 વર્ષમાં ડબલ થશે.
Post Office મંથલી ઈનકમ સ્કીમ
પોસ્ટ ઓફિસ મંથલી ઈનકમ સ્કીમ (MIS) પર આ સમયે 6.6 ટકા વ્યાજ મળી રહ્યું છે. આ વ્યાજદરથી જો પૈસાનું રોકાણ કરવામાં આવે તો આ લગભગ 10.91 વર્ષમાં ડબલ થશે.
Post Office સીનિયર સિટિઝન્સ સેવિંગ્સ સ્કીમ
પોસ્ટ ઓફિસની સીનિયર સિટીઝન સેવિંગ સ્કીમમાં (SCSS) આ સમયે 7.4 ટકા વ્યાજ આપવામાં આવી રહ્યું છે. તમારા પૈસા આ સ્કીમમાં લગભગ 9.73 વર્ષમાં ડબલ થશે.