દેશમાં સતત પેટ્રોલ-ડીઝલના ભાવમાં વધારો થઇ રહ્યો છે. ત્યારે કેટલીક એવી મોબાઈલ એપ્સ છે કે જેને ડાઉનલોડ કરીને તમે સસ્તામાં પેટ્રોલ-ડીઝલ મેળવી શકો છો. જાણો કઇ રીતે...
પેટ્રોલ-ડીઝલ આ રીતે મળશે સસ્તામાં!
ઉપયોગ કરો આ શાનદાર Apps
જાણો પેટ્રોલ પંપના લોકેશનથી માંડીને અન્ય ઘણું બધું
દિલ્હી અને મુંબઈમાં પેટ્રોલના ભાવ આસમાને જઇ ચડ્યાં છે. ત્યારે આ વધતા ભાવોએ લોકોને પરેશાન કરી દીધા છે. ત્યારે આજે અમે તમને કેટલીક એવી મોબાઈલ એપ્સ વિશે જણાવવા જઈ રહ્યાં છીએ કે જેની મદદથી તમે તમારા વાહનોમાં પેટ્રોલ-ડીઝલ ઓછી કિંમતે ભરી શકો છો.
Fuel@IOC App
તમને જણાવી દઈએ કે, આ ઈન્ડિયન ઓઈલની મોબાઈલ એપ છે. આ એપ દ્વારા તમે પેટ્રોલ-ડીઝલના ભાવ લાઈવ ચેક કરી શકો છો. આ એપ પર પેટ્રોલ-ડીઝલની કિંમતો તપાસવા માટે તમારે તેને ડાઉનલોડ કર્યા બાદ તેમાં એક એકાઉન્ટ બનાવવું પડશે. ત્યાર બાદ આ એપમાં આપેલ 'લોકેટ અસ' ટેબની મદદથી તમે નકશા પર તમારી નજીકના પેટ્રોલ પંપ વિશે જાણી શકશો. તેના દ્વારા એ પણ જાણી શકશો કે, તમને ઓછી કિંમતે પેટ્રોલ-ડીઝલ ક્યાં મળશે? iOS અને Android બંને યુઝર્સ આ એપને ડાઉનલોડ કરી શકે છે.
MapMyFuel App
આ એપ દ્વારા તમે પેટ્રોલ-ડીઝલ તેમજ CNGની કિંમતો જાણી શકો છો. તેમાં IOCL, HPCL, BPCL, રિલાયન્સ પેટ્રોલિયમ, એસ્સાર પેટ્રોલિયમ (Essar Petroleum) અને શેલ ઈન્ડિયા (Shell India) હેઠળના પેટ્રોલ પંપનો સમાવેશ થાય છે. આ એક ક્રાઉડસોર્સ્ડ એપ છે કે જ્યાં લોકો પેટ્રોલ, ડીઝલ અને સીએનજીની કિંમતો વિશે એકબીજાને માહિતી આપે છે.
SmartDrive App
આ એપથી તમે જાણી શકો છો કે, તમારી નજીકના કયા પેટ્રોલ પંપ પરથી તમને ઓછી કિંમતમાં પેટ્રોલ-ડીઝલ મળી શકે છે. તમને જણાવી દઈએ કે, આ એપ BPCLની એક એવી એપ છે કે જે તમને પેટ્રોલ-ડીઝલની દૈનિક કિંમત, નજીકના પેટ્રોલ પંપનું લોકેશન અને ત્યાં મળતા પેટ્રોલ-ડીઝલની કિંમતો વિશે જણાવે છે.
Daily Petrol-Diesel Price Apps
Daily Petrol-Diesel Price Apps દ્વારા તમે શહેરોમાં પેટ્રોલ અને ડીઝલના ભાવો વિશે જાણી શકો છો. ઉપરાંત, આ એપ દ્વારા તમે શહેરના વિવિધ સ્થળો તેમજ વિસ્તારોમાં પેટ્રોલ-ડીઝલના ભાવ અને છેલ્લાં કેટલાંક દિવસોમાં તેમની કિંમતોમાં થતી વધઘટની વિગતો જાણી શકો છો. આ એપ પ્લે સ્ટોર પરથી ડાઉનલોડ કરી શકાય છે.
જણાવી દઈએ કે, આ એપ્સ સિવાય તમે તમારા નજીકના પેટ્રોલ પંપ પર ઉપલબ્ધ પેટ્રોલ-ડીઝલની કિંમતો વિશે પણ જાણી શકો છો. તમે '92249-92249' ફોન નંબર પર SMS 'RSP DEALER CODE' મોકલીને તમારા શહેરોમાં ઇંધણની કિંમત ચકાસી શકો છો. જ પ્રકારની સર્વિસ ભારત પેટ્રોલિયમ (Bharat Petroleum) અને હિન્દુસ્તાન પેટ્રોલિયમ (Hindustan Petroleum) માટે પણ ઉપલબ્ધ છે.