ઉત્તર પ્રદેશના બલિયા જિલ્લામાં એક કિશોરીએ બુધવારે રાત્રે ઝેરી દવા પીને આપઘાત કરી લીધો હતો. આપઘાત પૂર્વે તેણે માતા-પિતાની માફી માંગી અને આત્મહત્યા માટે મામા અને એક યુવકને દોષી ઠેરવીને સ્યુસાઇડ નોટ લખી છે. તેણે સ્યુસાઇડ નોટમાં એમ પણ લખ્યું છે કે આ યુવકોને કારણે અગાઉ પણ બે છોકરીઓના મોત નીપજ્યાં છે.
કિશોરીએ સ્યુસાઇડ નોટ લખીને આત્મહત્યા કરી
ત્રણ પાનાંની સ્યુસાઇડ નોટ મળી આવી
મામા - મામી અને યુવાનને ઠેરવ્યા દોષી
આ સાથે જ છોકરીએ સ્યુસાઇડ નોટ માં તેના મામા મામીને ચેતવણી પણ આપી છે કે હવેથી તેમનો ખરાબ સમય શરૂ થાય છે, જો તેઓ આ છોકરીના માતા પિતાને કઈં પણ કહે છે કે તો તેઓ વિચારી લે... જો કે આ કિશોરી ના પિતાએ તેના સાળા, તેની પત્ની અને ગડવાર સ્ટેશન વિસ્તારના કુરેજીના રહેવાસી મનીષની સામે નગરા પોલીસ સ્ટેશનમાં ફરિયાદ નોંધાવી છે.
કિશોરીએ રાત્રે ઝેરી દવા પીને આપઘાત કરી લીધો
મળતી માહિતી મુજબ નગરા પોલીસ સ્ટેશન વિસ્તારના એક ગામની કિશોરી ને તે જ વિસ્તારના ગામમાં મોસાળ છે. આ કિશોરી તેના મોસાળમાં કોઈ પ્રસંગને લઈને ગઈ હતી, અને બુધવારે તે ઘરે પરત આવી હતી પરંતુ જયારે રાત્રે તેના અન્ય લોકો સૂઈ ગયા ત્યારે તેણે ઝેરી પદાર્થ ખાધો હતો, જેના કારણે તેનું મોત નીપજ્યું હતું.
સવારે પરિવારજનોને તેના આપઘાતની જાણકારી મળી હતી અને ત્યારબાદ તેઓએ પોલીસ ને ઘટનાની જાણ કરી હતી. પોલીસે ઘટના સ્થળે પહોંચી મૃતદેહને કબજે કરી પોસ્ટમોર્ટમ માટે મોકલી આપી હતી. કિશોરી ના મૃતદેહ પાસે ત્રણ પાનાની સ્યુસાઇડ નોટ મળી આવી છે.
મામા મામી અને એક યુવાનને તેના મૃત્યુ માટે દોષી ઠેરવ્યા
આ સ્યુસાઇડ નોટ માં તેણે તેના મામા મામી અને એક યુવાનને તેના મૃત્યુ માટે દોષી ઠેરવતા લખ્યું હતું કે તે તેના માતાપિતાને ક્યારેય હેરાન થવા દેશે નહીં અને મામા - મામીને ખુશ રહેવા દેશે નહી. સ્યુસાઇડ નોટ માં એક યુવાનનું નામ પણ લખ્યું છે જેમાં કહ્યું છે કે આ યુવાનને કારણે બે યુવતીઓએ પણ જીવ ગમાવ્યો હતો, કિશોરીએ તેની સ્યુસાઇડ નોટ માં આ યુવકનું નામ લેતાં લખ્યું છે કે, જો તમે મારી સાથે સંમત થાત તો હું આ દુનિયામાં જીવી શકત.
નગરા પોલીસ મથકના વિવેક પાંડેએ જણાવ્યું હતું કે કિશોરીના પિતાએ એક ફરિયાદ આપી છે. જેના આધારે કેસ નોંધીને આગળની કાર્યવાહી કરવામાં આવી રહી છે. સંબંધિત આરોપીની અટકાયત કરવામાં આવી છે, જેની પૂછપરછ કરવામાં આવી રહી છે. અમે જલ્દીથી જ આ બાબતે કઇંક નિષ્કર્ષ પર આવીશું.