મહામારી / મહામારીમાં લોકોની પસંદ બદલાઈ, કોન્ડોમ વગર કરવા લાગ્યા સેક્સ, દુનિયાની મોટી કંપનીને જુઓ શું પડ્યો ફટકો

• કોરોના કાળમાં વેચાણની આશાએ બેઠેલી કોન્ડોમ કંપનીઓને મોટો ઝટકો
• કોન્ડોમ બનાવતી દુનિયાની મોટી કંપનીના વેચાણમાં 40 ટકાનો ઘટાડો
• લોકડાઉન પછી પણ કોન્ડોમનો ઉપયોગ કરીને સેક્સ સંબંધ બનાવવાના કેસમાં વધારો ન થયો 

કોન્ડોમ બનાવતી દુનિયાની મોટી કંપની કારેક્સને કોરોના કાળમાં વેપાર કરવો ભારે પડ્યો છે. કારેક્સ કોન્ડોમના વેચાણમાં છેલ્લા 2 વર્ષમાં 40 ટકા જેટલો મોટો ઘટાડો નોંધાયો છે. દુનિયાભરમાં કોરોના લોકડાઉન અને લોકોના ઘરમાં રહેવા છતાં પણ કોન્ડોમનો ઉપયોગ કરીને સેક્સ સંબંધ બનાવવાના કેસમાં વધારો થયો નથી. કોરોના કાળ પહેલા કારેક્સને કોન્ડોમના વેચાણથી અબજોની આવક થતી હતી પરંતુ હવે સમય બદલાયો છે અને લોકો પણ વગર કોન્ડોમે સેક્સ કરવા લાગ્યા છે. 

કોરોના કાળમાં કોન્ડોમ વગર સેક્સ બનાવવા લાગ્યા લોકો
કંપનીનું કહેવું છે કે કોરોના કાળમાં લોકો હવે  કોન્ડોમ વગર યૌન સંબંધ બાંધવા લાગ્યા છે તેને કારણે તેનું વેચાણ ઘટી ગયું. કોરોના પહેલાની વાત જુદી હતી ત્યારે કંપની દ્વારા બનાવવામાં આવેલા દર 5માંથી 1 કોન્ડોમ વેચાતો હતો પરંતુ હવે કંપનીના કોન્ડોમનું વેચાણ સાવ નહીંવત થઈ ગયું હોવાથી કંપનીને હવે બીજું મેડિકલ સાધન બનાવવાનો વારો આવ્યો છે. 

હોટલો અને સેક્યુઅલ વેલનેશ સેન્ટર બંધ રહેવાને કારણે કોન્ડોમનું વેચાણ ઘટી ગયું 

કારેક્સના મુખ્ય કાર્યકારી અધિકારી ગોહ મિઆહે કહ્યું કે મહામારી દરમિયાન હોટલો અને સેક્યુઅલ વેલનેશ સેન્ટર બંધ રહેવાને કારણે તથા કોન્ડોમને પ્રોત્સાહન આપવાના સરકારી પ્રયાસોમાં ઢીલાશને કારણે કારેક્સ કોન્ડોમના વેચાણમાં મોટો ઘટાડો આવ્યો છે. કારેક્સ મલેશિયાની કંપની છે જે દુનિયામાં 5માંથી 1 કોન્ડોમ બનાવે છે.

દુનિયામાં કારેક્સ કોન્ડોમ બનાવતી મલેશિયાની કંપની 
મલેશિયાની કંપની ડ્યૂરેક્સ બ્રાન્ડ કોન્ડોમ બનાવે છે. એટલું જ નહીં પરંતુ કંપની ઘણા ફ્લેવર્ડ કોન્ડોમ પણ બનાવે છે. કારેક્સ દર વર્ષે 5 અબજથી પણ વધારે કોન્ડોમ બનાવે છે અને દુનિયાના 140 દેશોને મોકલે છે. 

ભારતમાં લોકડાઉનમાં લોકો ખૂબ ખરીદ્યા કોન્ડોમ 
કોરોના વાયરસની પ્રથમ લહેરમાં માર્ચ 2020થી લોકડાઉનના કારણે આખો દેશ પોતાના ઘરમાં કેદ થઈ ગયો હતો.  કોરોના સમયગાળા દરમિયાન, લોકોએ ઘરોમાં રહીને કોન્ડોમ અને રોલિંગ પેપર ખરીદ્યા અને આ બે વર્ષ કોન્ડોમની સૌથી મોટી કંપની  માટે ખરાબ રહ્યાં. 

ભારતમાં કોન્ડોમનો બિઝનેસ લગભગ 1500 કરોડ રૂપિયાનો
ભારતમાં 2017માં એક સમય એવો હતો જ્યારે ટીવી પર કોન્ડોમની જાહેરાતો બતાવવા પર થોડા સમય માટે તમામ પ્રતિબંધ લગાવી દેવામાં આવ્યા હતા, પરંતુ બાદમાં બધું સામાન્ય થઈ ગયું હતું. જો કે એ વાતને નકારી શકાય નહીં કે આજે પણ ઘણા લોકો કોન્ડોમ ખરીદવામાં સંકોચ અનુભવે છે, પરંતુ તેમ છતાં નીલ્સનના એક રિપોર્ટ અનુસાર ભારતમાં કોન્ડોમનો બિઝનેસ લગભગ 1500 કરોડ રૂપિયાનો છે.

97.9 ટકા સેક્સ્યુઅલી એક્ટિવ પુરુષો કોન્ડોમનું મહત્વ સમજે છે
નેશનલ ફેમિલી હેલ્થ સર્વે અનુસાર, લગભગ 97.9 ટકા સેક્સ્યુઅલી એક્ટિવ પુરુષો કોન્ડોમનું મહત્વ સમજે છે, જ્યારે માત્ર 94 ટકા લોકો કોન્ડોમના ઉપયોગ વિશે જાગૃત છે. ગ્રામજનોને ડર છે કે કોન્ડોમ તેમની શક્તિમાં ઘટાડો કરી શકે છે. ભારતમાં કોન્ડોમના કુલ બિઝનેસમાં ગ્રામીણ હિસ્સા વિશે વાત કરીએ તો, લગભગ 30 ટકા બિઝનેસ ગ્રામીણ વિસ્તારોમાંથી આવે છે.

કોન્ડોમની જગ્યાએ હવે કંપની મેડિકલ ગ્લવ્સ બનાવી રહી છે 
કારેક્સ હવે કોન્ડોમ બનાવવાનું કામ પડતું મૂકીને  મેડિકલ ગ્લવ્સ(મોજા) બનાવવાનું શરુ કર્યું છે. કંપનીના અધિકારીએ કહ્યું કે તેનો મોજા બનાવવાનો પ્લાન્ટ થાઈલેન્ડમાં નખાઈ રહ્યો છે જે થોડા સમયમાં શરુ થઈ જશે.