આગાહી / સ્વેટર અને ધાબળા કાઢીને તૈયાર રહેજો, આ તારીખથી ગુજરાતમાં પડશે ભયંકર ઠંડી, હવામાન વિભાગે કરી મોટી આગાહી

• ઠંડીને લઈને હવામાન વિભાગે કરી મોટી આગાહી 
• આગામી 48 કલાકમાં રાજ્યમાં ઠંડી વધશે 
• વેસ્ટર્ન ડિસ્ટર્બન્સને કારણે રાજ્યમાં ઠંડી વધવાની 

ગુજરાતમાં છેલ્લા કેટલાક દિવસોથી ઠંડીનું પ્રમાણ ઘટી ગયું છે. જોકે છેલ્લા 24 કલાકમાં ઠંડીમાં સામાન્ય વધારો થયો હોય તે દેખાઈ રહ્યું છે. ત્યારે આ બધા વચ્ચે હવે હવામાન વિભાગ દ્વારા ઠંડીને લઈને મોટી આગાહી કરવામાં આવી છે. હવામાન વિભાહે કરેલી આગાહી મુજબ અગામી 48 કલાકમાં ઠંડીનું પ્રમાણ વધવાનું છે. 

ઉત્તરીય-પૂર્વ બાજુથી ઠંડા પવનો ફૂંકાશે 

ઉત્તરીય-પૂર્વ બાજુથી ઠંડા પવાનો આવશે જેથી હવામાન વિભાગ દ્વારા ઠંડીને લઈને આગાહી કરવામાં આવી છે. સાથેજ એવું પણ કહેવામાં આવ્યું છે કે રાજ્યના અમુક ભાગોમાં ઠંડા પવનો પણ ફૂંકાઈ શકે છે. 

વેસ્ટર્ન  ડિસ્ટર્બન્સને કારણે ઠંડી વધશે 

આપને જણાવી દઈએ કે વેસ્ટર્ન ડિસ્ટર્બન્સને કારણે ઠંડીનું પ્રમાણ વધવાનું છે. જેમા 2 દિવસ સુધી તેની અસર રહેવાની જેના કારણે વાતાવરણ ઠંડુગાર રહેશે. રાજ્યના લધુત્તમ તાપમાનમાં પણ 4 થી 5 ડિગ્રી જેટલો ઘટાડો નોંધાશે. ખાસ કરીને દરિયાકાંઠે આવેલા વિસ્તારોમાં સૌથી વધારે ઠંડીનું પ્રમાણ જોવા મળી શકે છે. 

આ વર્ષે શિયાળામાં 5મી વખત વેસ્ટર્ન ડિસ્ટર્બન્સની અસર 

ઉલ્લેખનીય છે કે આ વર્ષે શિયાળામાં સતત પાંચમી વખત વેસ્ટર્ન ડિસ્ટર્બન્સની અસર જોવા મળી છે. જેના કારણે લોકોને ઠંડીનો સામનો કરવો પડી રહ્યો છે. જો આજનીજ વાત કરીએ તો આજે ગાંધીનગરનું લઘુત્તમ તાપમાન 10 ડિગ્રી નોંધાયું છે. સાથેજ અમદાવાદમાં પણ આજે ઠંડીનો ચમકારો જોવા મળ્યો જેમા અમદાવાદનું તાપમાન આજે 11.4 ડિગ્રી નોંધાયું છે.