ઘર કા ભેદી... / અમદાવાદ નરેન્દ્ર મોદી સ્ટેડિયમની 1.20 લાખની ચોરીનો ભેદ ઉકેલાયો, અંદરનો જ હતો આ માણસ

• 1.20 લાખની ચોરીનો ભેદ ઉકેલાયો
• CCTVમાં કેદ થયો કંપનીનો મેનેજર
• આરોપી વિકાસ શર્માની ધરપકડ

અમદાવાદના નરેન્દ્ર મોદી સ્ટેડિયમમાં થયેલી ચોરીનો ભેદ ઉકેલાયો છે. 1 લાખ 20 હજારની રોકડ રકમ ચોરી કેસમાં કેટરીંગ કંપનીના મેનેજરની ધરપકડ કરવામાં આવી છે. ચાંદખેડા પોલીસે CCTV ફૂટેજના આધારે આરોપી વિકાસ શર્માની ધરપકડ કરીને કાયદેસરની કાર્યવાહી હાથ ધરી છે. પોલીસ તપાસમાં આરોપી વિકાસ શર્મા મોજશોખ પૂરા કરવા માટે ચોર કરતો હોવાનું ખૂલ્યું છે.

આપને જણાવી દઈએ કે, નરેન્દ્ર મોદી સ્ટેડિયમ મોટેરા ખાતે કેટરીંગનો વ્યવસાય કરતા વેપારીની બેગમાંથી રૂપિયા 1 લાખ 20 હજારની ચોરી થઈ હતી. જેને લઈને વેપારીએ ચાંદખેડા પોલીસ સ્ટેશનમાં ફરિયાદ નોંધાવી હતી. આથી ચાંદખેડા પોલીસે ફરિયાદના આધારે તપાસ શરૂ કરી હતી. તપાસ દરમિયાન મેનેજર વિકાસ શર્માનો ભાંડો ફુટી જતા તેની ધરપકડ કરવામા આવી છે.

નરેન્દ્ મોદી સ્ટેડીયમા અગાઉ મોબાઈલની પણ ચોરીની ઘટના સામે આવી હતી. હાલમા ચાંદખેડા પોલીસે આરોપીની ધરપકડ કરી છે. અને અગાઉ કેટલાની ચોરી કરી હતી તે મુદ્દે પુછપરછ શરૂ કરી છે.