ફેરફાર / અફઘાનિસ્તાનના નાગરીકોને હવે ભારે તકલીફ પડશે, તાલિબાન કરવા જઈ રહ્યું આ મોટું કામ

• તાલિબાન અફઘાન પાસપોર્ટમાં કરશે ફેરફાર
• નવા પાસપોર્ટમાં ઈસ્લામિક અમિરાત ઓફ અફઘાનિસ્તાન લખેલું હશે
• રાષ્ટ્રીય ઓળખપત્રમાં પણ તાલિબાન કરશે મોટા ફેરફાર 

અફઘાનિસ્તાનની મીડિયા દ્વારા માહિતી આપવવામાં આવી છે કે તાલિબાન અફઘાની પાસપોર્ટ અને રાષ્ટ્રીય ઓળખ પત્રમાં ફેરફાર કરવા જઈ રહ્યું છે. જેના કારણે ત્યાના નાગરીકોને ભારે તકલીફ પડી શકે છે. જે દસ્તાવેજો અશરફ ગનીની સરકારે અમલમાં મુક્યા હતા તે બધાજ દસ્તાવેજો હવે ટૂંક સમય માટેજ માન્ય રહેશે. 

તાલિબાનના પ્રવક્તાએ આપી માહિતી 

તાલિબાનના પ્રવક્તા જબિઉલ્લાહ મુજાહિદે કહ્યું કે અફઘાની પાસપોર્ટ અને એનઆઈડી પર હવે ઈસ્લામિક સ્ટેટ ઓફ અમિરાત લખેલું હશે તેવું શક્ય બની શકે. સાથેજ તેણે કહ્યું અશરફ ગનીની સરકારમાં જે પણ દસ્તાવેજો બનાવામાં આવ્યા હતા તે દસ્તાવેજો થોડાક સમય માટે માન્ય રહેશે. 

પાસપોર્ટ ઓફિસ અફઘાનિસ્તાનમાં બંધ 

આપને જણાવી દઈએ કે હાલમાં અફઘાનિસ્તાનમાં પાસપોર્ટ ઓફિસ તેમજ રાષ્ટ્રીય ઓળખ પત્ર વિભાગ બંધ કરી દેવામાં આવ્યું છે. જેથી દસ્તાવેજોને એજ લોકો પ્રાપ્ત કરી શકશે તેમણે બાયોમેટ્રિક કરાવ્યું હશે. 

મહિલાઓ પર પ્રતિબંધ લગાવાના મંત્રાલ્ય ખોલ્યા 

ઓગસ્ટ મહિનાની 15 તારીખે તાલિબાને અફઘાનિસ્તાન પર કબ્જો મેળવી લીધો અને ત્યારબાદથી ત્યા ઘણા ફેરફાર જોવા મળ્યા છે. ખાસ કરીને તાલીબાને મહિલાઓના કલ્યાણ સાથે જોડાયેલા મંત્રાલયોને બંધ કરી દીધા છે અને તેની સામે મહિલાઓ પર પ્રતિબંધ લગાવાના મંત્રાલય ખોલવામાં આવ્યો છે. 

છોકરીઓ માધ્યમિક શિક્ષણ પ્રાપ્ત નહી કરી શકે 

તાલિબાને એવો નિયમ પણ લાવ્યો છે કે માધ્યમિક સ્તરે છોકરીઓ હવે શિક્ષા પ્રાપ્ત નહી કરી શકે. દેશમાં ફરી સરાજાહેર ફાંસી અને હાથ પગ કાપવાની સજા આપવામાં આવી રહી છે. આ સજાઓના આદેશ આપવા માટે પણ તાલિબાને અલગથી મંત્રાલય બનાવ્યું છે. 

હેરાતમાં શહેરમાં પત્રકારની હત્યા 

ઉલ્લેખનીય છે કે ગત શનિવારે એટલે કે 25 સપ્ટેમ્બરે તાલિબાને હેરાત શહેરમાં એક પત્રકારની હત્યા કરી હતી અને તેના શબને ક્રેન સાથે લટકાવી દીધું હતું. શેહરના મુખ્ય ચાર રસ્તા વચ્ચે તાલિબાનના લડ઼ાકૂઓ ચાર શબ લઈને આવ્યા હતા. જ્યા તેમણે કહ્યું કે ચારેય લોકોએ અપહરણ કરવાનો પ્રયાસ કર્યો જેથી પોલીસે તેમને મારી નાખ્યા છે. બાદમાં તે ચારેયના મૃતદેહ તાલિબાને ક્રેન સાથે લટકાવી દીધા હતા.