જો તમે હાઇવે પર ડ્રાઇવિંગ કરતા હોવ તો કેન્દ્ર સરકાર તરફથી અનેક એવી નવી સર્વિસ ચાલુ કરવામાં આવી છે. જે તમારા ખૂબ જ કામની સાબિત થઇ શકે છે. આ સર્વિસથી ફકત તમારો પ્રવાસ સહેલો થાય તેવુ નથી પરંતુ ઇમર્જન્સી કે મુશ્કેલીની ઘડીમાં પણ આ સર્વિસ ખૂબ જ મદદરૂપ સાબિત થઇ શકે છે.
જો તમારે હાઇવે મુસાફરી ખૂબજ વધારે રહેતી હોય અને તેમાં પણ કાર લઇને જતા હોવ તો તમે સરકારે લોન્ચ કરેલી સુખદ યાત્રા એપ જરૂરથી ડાઉનલોડ કરી લો. આ એપની મદદથી તમને હાઇવે પર રોડની સ્થિતિ ટોલ સુવિધાઓ ટોલ ટેક્સના દર હાઇવે પર જામ છે કે નહીં અને જો છે તો કેટલી વખતમાં હાઇવે ક્લિયર થશેનું કારણ. તેટલું જ નહી એક્સિડન્ટથી લઇને હાઇવેની ખરાબ સ્થિતિ અંગે ફરિયાદ પણ કરી શકો છો.
હાઇવેથી પસાર થતી વખતે તમારી સાથે કોઇ દુર્ઘટના ન ઘટે અથવા બીજી કોઇ પણ સાથે પણ દુર્ઘટના થાય તો તમે 1033 નંબરને તમારા મોબાઇલમાં સ્ટોર રાખો. આ નંબર પરથી તમે તાત્કાલિક કોલ કરી શકો છો. જેની આસપાસની એમ્બ્યૂલન્સ તરત જ તમારા સુધી પહોંચી જશે.
હાઇવે પરથી પસાર થતી વખતે તમારે અનેક જગ્યાએ ટોલ પ્લાઝા પર લાઇનમાં ઉભા રહેવું પડે છે. જ્યાં પેટ્રોલ અને સમય બંનેનો બગાડ થાય છે.પરંતુ મોદી સરકારે તેના ઉપાય તરીકે ગત વર્ષે જ ફાસ્ટેગની સુવિધા ઉપલબ્ધ કરાવી છે. આ ખાસ કપૂન ધરાવતા લોકોને ટોલ પ્લાઝા પર લાઇનમાં ઉભા રહેવુ પડતુ નથી. ફાસ્ટેગ વાહનો માટે એક અલાયદી લેન હોય છે. જેમાંથી તમે ફૂલ સ્પીડે પસાર થઈ જશો તો પણ તમારા ટેગને સ્કેન કરીને ફાસ્ટેગ એકાઉન્ટમાંથી ટોલની નિયત ફી ઓટોમેટિક ડિડક્ટ થઈ જશે. આ સુવિધાનો ઉપયોગ જેટલો વધુ કરશો તેટલો પ્રવાસ વધ આરામદાયક અને ટૂંકો રહેશે.
ઘણીવખત એવું બને છે જો તમે નિયમિત કાર ચલાવતા હોવ ત્યારે હાઇવે પર પહોંચી ગયા પછી ખબર પડે છે કે ગાડીમાં પેટ્રોલ-ડીઝલ ઓછું છે. તો ચિંતા નહીં હવે તમારા મોબાઇલ પર જ માહિતી આવી જશે કે નજીકનું પેટ્રોલ પંપ ક્યા અને કેટલું દૂર છે.
કેન્દ્ર સરકારે હાઈવેની બંને તરફ લોકોને ખાવાપીવાથી લઈને નહાવા-ધોવા અને ગાડીને સાફ કરવા માટે ATM અને મોબાઇલ રિચાર્જ માટેની સુવિધા ઉભી કરી રહી છે. આવી જગ્યાને હાઈવે નેસ્ટ અથવા હાઈવે વિલેજ કહેવામાં આવે છે. સરકારનો પ્લાન છે કે દર થોડા થોડા અંતરે આવા હાઈવે નેસ્ટ અને હાઈવે વિલેજ બનાવવામાં આવે.