ગુનો / સ્કૂલમાં ભણતી છોકરી સાથે પ્રિન્સિપાલને થયો વન સાઈડ લવ, કર્યું એવું કે આસપાસના વિસ્તારમાં ફેલાયો ભય 

• રાજસ્થાનમાંથી એક વિદ્યાર્થીનીના અપહરણનો મામલો સામે આવ્યો છે
• એક તરફી પ્રેમમાં પાગલ પ્રિન્સીપાલે તેની પૂર્વ છાત્રાનું અપહરણ કર્યું 
• વિદ્યાર્થિની શાળામાં અભ્યાસ કરતી હતી, તે દરમિયાન પ્રેમ થઈ ગયો હતો.

પ્રિન્સિપાલે વિદ્યાર્થીનું અપહરણ કર્યું

વિદ્યાર્થીનીના પરિવારજનોનું કહેવું છે કે જ્યારે તેમની પુત્રી શાળામાં અભ્યાસ કરતી હતી. ત્યારથી આરોપી પ્રિન્સિપાલ તેને પસંદ કરતો હતો. આ બાબતે સ્ટેશન ઈન્ચાર્જ વિનોદ સાંખલાએ જણાવ્યું કે આ મામલો 16 નવેમ્બરનો છે. યુવતીના પરિવારજનોના રિપોર્ટના આધારે કેસ નોંધવામાં આવ્યો છે. સંબંધીઓએ પોલીસને જણાવ્યું કે આરોપીઓએ તેમને 16 નવેમ્બરના રોજ લગ્નના કાર્યક્રમમાં લઈ જવાના બહાને બોલાવ્યા હતા. ત્યારબાદ પરત ફરતી વખતે તે તેની પુત્રીને બળજબરીથી કારમાં બેસાડી ક્યાંક લઈ ગયો હતો.

વિદ્યાર્થિનીનું અપહરણ 16 નવેમ્બરે થયું હતું

પીડિતાના પરિવારે તેમના અહેવાલમાં જણાવ્યું છે કે જ્યારે તેઓ કાર્યક્રમમાં જમ્યા બાદ ઘરે જવા માટે તૈયાર થયા ત્યારે પ્રિન્સિપાલે તેમની પુત્રીને ડીજે પર ડાન્સ કરવા કહ્યું. આના પર પુત્રીએ ના પાડી, ત્યારબાદ આરોપી તેની પુત્રીને કારમાં લઈ ગયો, પછી તેણીને ત્રણ-ચાર થપ્પડ મારી અને બળજબરીથી કારમાં બેસાડીને તેની સાથે ભાગી ગયો.

પોલીસે કેસ નોંધ્યો

સ્થળ પર હાજર લોકોએ ભારે હંગામો મચાવ્યો બાદમાં યુવતીને પાછી લઈ  આવ્યાં હતાં. આ ઘટના બાદ આરોપીઓએ પીડિતાના પરિવારને ધમકી આપી હતી કે જો તેઓ પોલીસને જાણ કરશે તો તેઓ પુત્રીને ફરીથી ઉપાડી જશે. પોલીસે  અપહરણનો ગુનો નોંધી તપાસ શરૂ કરી છે. આ ઘટના બાદ યુવતીના મનમાં ડર ઉભો થયો છે.