ખિસ્સા ખાલી કરે તેવી કિંમત / ભારતમાં પહેલી વાર, આ શહેરમાં પેટ્રોલના ભાવે તોડ્યાં તમામ રેકોર્ડ, 122 રુપિયા થતા લોકોએ કાઢ્યો નવો તોડ

• દેશમાં સૌથી વધારે મોઘું પેટ્રોલ રાજસ્થાનના શ્રીગંગાનગર શહેરમાં 
• એક લીટર પેટ્રોલનો ભાવ પહોંચ્યો 122 રુપિયાને પાર 
• શહેરના લોકો પંજાબ બોર્ડરે પૂરાવી રહ્યાં છે પેટ્રોલ 

રાજસ્થાનના શ્રીગંગાનગર શહેરના લોકો માટે પેટ્રોલનો ભાવ અભિશાપ સમાન બન્યો છે. અહીંના લોકો માટે વાહનો મૂકી દેવા પડે તો લાકડા જેવો કડક ભાવ થયો છે. શ્રીગંગાનગર શહેરમાં એક લીટર પેટ્રોલની કિંમત 122 રુપિયાને પાર પહોંચી છે જે દેશમાં સૌથી વધારે છે. દેશમાં એકમાત્ર શ્રીગંગાનગર શહેરમાં પેટ્રોલનો ભાવ 122 રુપિયા લીટરે પહોંચ્યો છે. 

122 રુપિયે પેટ્રોલ પુરાવવું ન પડે એટલે  શ્રીગંગાનગર વાસીઓ પંજાબ-હરિયાણામાંથી પુરાવી રહ્યાં છે પેટ્રોલ 
પંજાબ અને હરિયાણાને અડીને આવેલા શ્રીગંગાનગર જિલ્લાના લોકો દેશમાં સૌથી મોંઘા પેટ્રોલ-ડીઝલ ખરીદવા મજબૂર છે. આ જિલ્લાને અડીને આવેલા રાજસ્થાનના પાડોશી રાજ્ય પંજાબમાં પેટ્રોલ 17 રૂપિયા અને ડીઝલ 11 રૂપિયા પ્રતિ લિટર સસ્તું છે.આ કારણે પંજાબ બોર્ડર પર આવેલા પેટ્રોલ પંપ પર રાજસ્થાનના ગ્રાહકોની લાંબી કતારો લાગી છે. સાથે જ શ્રીગંગાનગરના પેટ્રોલ પંપો પર સન્નાટો છવાઈ ગયો છે. શ્રીગંગાનગરથી માત્ર 5થી 7 કિલોમીટરના અંતરે આવેલા પડોશી રાજ્ય પંજાબની સરખામણીએ શ્રીગંગાનગરમાં પેટ્રોલ 17 રૂપિયા અને ડીઝલ 11 રૂપિયા પ્રતિ લિટર મોંઘું થયું છે. દેશમાં શ્રીગંગાનગરમાં પેટ્રોલ અને ડીઝલના ભાવ સૌથી વધુ હોવાથી શ્રીગંગાનગર સહિત હનુમાનગઢ જિલ્લાના ગ્રાહકો પાડોશી રાજ્યો પંજાબ અને હરિયાણાના પોતાના વાહનોમાં ઈંધણનો ઉપયોગ કરી રહ્યા છે.

શ્રીગંગાનગરના પેટ્રોલ પંપો પર ઉડવા લાગ્યા કાગડા 

122 રુપિયા પેટ્રોલ કોને પરવડી શકે, શ્રીગંગાનગરના લોકો હવે તેમના પેટ્રોલ પંપો પર પેટ્રોલ પુરાવતા નથી તેને બદલે પંજાબ કે હરિયાણામાં ચાલ્યા જાય છે આને કારણે શ્રીગંગાનગરના પેટ્રોલ પંપો પર કાગડા ઉડવા લાગ્યા છે.  શ્રીગંગાનગર અને હનુમાનગઢ જિલ્લાના ગ્રાહકોની કતાર શ્રીગંગાનગરમાં સાધુવાલી સાથે પંજાબ સરહદ પર સ્થિત પેટ્રોલ પંપ પર જોવા મળે છે. પંજાબ બોર્ડર પર સ્થિત પેટ્રોલ પંપ પર તેલ લેવા આવેલા ગ્રાહકોનું કહેવું છે કે પંજાબમાં પેટ્રોલ અને ડીઝલ સસ્તા હોવાના કારણે તેમને અહીં આવવું પડે છે.

ભારતના ઈતિહાસમાં પહેલી વાર પેટ્રોલનો ભાવ પહોંચ્યો 122 રુપિયાને પાર

ઉલ્લેખનીય છે કે ભારતના ઈતિહાસમાં પહેલી વાર પેટ્રોલનો ભાવ 122 રુપિયાને પાર પહોંચ્યો છે. અત્યાર સુધી દેશના એક પણ શહેરમાં એક લીટરનો પેટ્રોલનો ભાવ આટલી કિંમતે પહોંચ્યો નથી જે ખરેખર એક રેકોર્ડ સમાન છે.