- ઇન્સ્ટાગ્રામ પર એક પોસ્ટ શેર કરી લોકો સામે રાખી વાત
- શારીરિક સંબંધ બાંધવાની માંગણી સાથે કરી રહ્યો હતો બ્લેકમેલ
અભિનેત્રી ઉર્ફી જાવેદ તેના બિન્દાસ અંદાજ અને કપડાં પહેરવાની સ્ટાઈલને લઈને ઘણી ચર્ચમાં રહે છે. હાલ એક અલગ કારણે ઉર્ફી જાવેદ ચર્ચાની વિષય બની છે. ઉર્ફી જાવેદ પાસે કોઈ વ્યક્તિએ ખરાબ વાતો અને માંગણી કરી હતી હતી જેની સામે તેને લોકો સામે એક એક્શન લીધું છે અને લોકો તેની ઘણી પ્રશંસા કરી રહ્યા છે. જો કે પોલીસે એ વ્યક્તિની ધરપકડ પણ કરી લીધી છે અને આ વાતની માહિતી ઉર્ફી જાવેદે સોશ્યલ મીડિયા દ્વારા તેના ફેન્સને આપી હતી.
ઉર્ફી જાવેદે મુંબઈ પોલીસનો આભાર માન્યો
ઉર્ફી જાવેદ એ એક પોસ્ટમાં મુંબઈ પોલીસ સામે નારાજગી જતાવી હતી પણ હાલ તેને એ જ મુંબઈ પોલીસનો આભાર માન્યો હતો. હાલ જ ઉર્ફી જાવેદ એ તેના ઇન્સ્ટાગ્રામ પર એક તસવીર શેર કરી હતી અને તેના આધારે મુંબઈ પોલીસે એક્શન લઈને ઉર્ફી જાવેદને પરેશાન કરનાર વ્યક્તિની ધરપકડ કરી હતી. તસવીર શેર કરતાં ઉર્ફી જાવેદે લખ્યું હતું કે, ' ખુશખબર, મારી સાથે છેડતી કરનાર વ્યક્તિ હાલ જેલમાં છે. હું મુંબઈ પોલીસની ખૂબ જ આભારી છું.'
સ્ક્રીનશૉટ પણ કર્યા શેર
થોડા દિવસ પહેલા અભિનેત્રીએ તેના ઇન્સ્ટાગ્રામ પર એક પોસ્ટ શેર કરી હતી. એ પોસ્ટ દ્વારા તેને એક વ્યક્તિ સામે શિકાયત કરી હતી કે એ તેને ઘણા લાંબા સમયથી પરેશાન કરી રહ્યો છે. ઉર્ફી જાવેદે એ વ્યક્તિએ મોકલેલ મેસેજના સ્ક્રીનશૉટ પણ સોશ્યલ મીડિયા પર પણ શેર કર્યા હતા જેમાં એ વ્યક્તિ ઉર્ફી જાવેદ પાસે ખરાબ માંગણી કરી રહ્યો હતો અને એ વાતથી ઉર્ફી જાવેદ ઘણી ગુસ્સે થઈ હતી.
મુંબઈ પોલીસ એક્શનમાં આવી
આ પોસ્ટ શેર કરતાં ઉર્ફી જાવેદ એ તે વ્યક્તિનું નામ પણ લોકો સામે રાખ્યું હતું અને તેને કહ્યું હતું કે, ' ઓબોદ અફરીદી' નામની એ વ્યક્તિ તેની પાસે શારીરિક સંબંધ બાંધવાની માંગણી કરી રહ્યો છે અને બ્લેકમેલ પણ કરી રહ્યો છે અને એ વ્યક્તિ પંજાબ ઇન્ડસ્ટ્રી સાથે જોડાયેલ છે. આ વાત માટે મેં ગોરેગાંવ પોલીસ સ્ટેનશમાં ફરિયાદ નોંધાવી હતી પણ 14 દિવસ સુધી કોઈ એક્શન લેવામાં આવ્યું નથી.' જો કે એ પછી પોલીસ એક્શનમાં આવી હતી અને એ વ્યક્તિની ધરપકડ કરવામાં આવી છે.
