હોળીનો તહેવાર સમગ્ર વિશ્વમાં ખુબ પ્રખ્યાત છે. અમેરિકામાં તેને 'ફેસ્ટિવલ ઓફ કલર' તરીકે ઉજવવામાં આવે છે. અમેરિકાના સ્પેનિશ ફોર્કમાં બનેલા ઇસ્કોન મંદિરમાં ખુબ વિશાળ સ્તરે હોળી ઉજવવામાં આવે છે.
રાધા-કૃષ્ણના મંદિરમાં ઉજવાયેલા રંગોનો ઉત્સવના પ્રવક્તાના જણાવ્યા મુજબ 35 000 થી 40 000 લોકો આમાં ભાગ લે છે અને ઠાઠથી હોળીની ઉજવણી કરે છે.
યુનાઇટેડ સ્ટેટ્સમાં ઉતાહ રાજ્યના સ્પેનિશ ફોર્ક ઉપરાંત 11 અન્ય સ્થળોએ હોળી ઉજવાય છે. ભાગ લેતા લોકોમાં સ્થાનિક લોકો ઉપરાંત વિદ્યાર્થીઓ પણ હોય છે.
હોળીના આયોજકો માને છે કે હોળી એક આધ્યાત્મિક તહેવાર છે. આનું ધર્મ સાથે કંઈ લેવા-દેવા નથી.
લોકો પણ અન્ય દેશોમાંથી અહીં હોળી મનાવા આવે છે. આયોજકોએ જણાવ્યા અનુસાર "આવા સંજોગોમાં અન્ય ધર્મોના લોકો એકબીજાની નજીક આવે છે અને આપણે બધા એક છીએ એવું અનુભવે છે."
હોળીનો તહેવાર અસત્ય સામે સત્યના જીતની ઉજવણી તરીકે ઉજવવામાં આવે છે. આ વખતે હોળી 1 લી અને 2 જી માર્ચના રોજ ભારતમાં ઉજવવામાં આવશે.