જામનગરમાં ડબલ મર્ડરની ઘટના સામેં આવતા સનસનાટી મચી જવા પામી છે. ગતરાત્રે શહેરના લાલપુર-ઠેબા ચોકડી બાયપાસ વચ્ચે અવાવરું જગ્યામાંથી માતા અને માસૂમ પુત્રીનો મૃતદેહ મળી આવ્યો હતો.
જામનગરમાં ડબલ મર્ડરની રુહકાંપ ઘટના સામેં આવતા સનસનાટી મચી
લાલપુર-ઠેબા ચોકડી બાયપાસ પર માતા અને માસૂમ પુત્રીનો મૃતદેહ મળી આવ્યો
પતિએ જ ગળું કાપી બન્નેને મોતને ઘાટ ઉતારી દીધાનું સામે આવતા હડકંપ
જામનગરમાં ડબલ મર્ડરની રુહકાંપ ઘટના સામેં આવતા સનસનાટી મચી જવા પામી છે. ગતરાત્રે શહેરના લાલપુર-ઠેબા ચોકડી બાયપાસ વચ્ચે અવાવરું જગ્યામાંથી માતા અને માસૂમ પુત્રીનો મૃતદેહ મળી આવ્યો હતો. લોહીથી લથબથ હાલતમાં મળેલી લાશને લઈને રહસ્યના વમળો સર્જાયા હતા. જેને લઈને હત્યાની આશંકાથી પોલીસે મહિલાના પતિ સામે શંકાની સોય તાણી હતી. ત્યારબાદ પતિએ જ ગળું કાપી બન્નેને મોતને ઘાટ ઉતારી દીધાનું સામે આવતા હડકંપ મચી ગયો છે.
જામનગરના લાલપુર ચોકડી નજીક હોટેલ ટેનના પાછળના ભાગેથી મહિલા અને બાળકીના મૃતદેહની જાણ થતા પોલીસ તાબડતોબ દોડી ગઈ હતી. મૃતદેહ મામલે રાહદારી જાણ કરતા પંચકોષી બી. ડિવિઝન તેમજ એલસીબી પોલીસ અને શહેર વિભાગના મામલતદારની ટીમ પણ ઘટના સ્થળે પહોંચી હતી. જ્યા તપાસ હાથ ધરતા સબીના નામની 30 વર્ષની મહિલા અને દોઢ વર્ષની ઉંમરની માસૂમ બાળકી રુબીનાની ગળું કપાયેલી હાલતમાં લાશ મળી હતી. જેને લઈને પંચપોષી બી. ડિવિઝન પોલીસે માતા પુત્રી બંનેના મૃતદેહોનો કબજો સંભાળી જામનગરની સરકારી જી.જી. હોસ્પિટલમાં ખસેડયા હતા..
મહિલાને અવાર નવાર તેનો પતિ માર મારતો હતો
બીજી તરફ તપાસમાં બહાર આવ્યું કે શબાનાનો પતિ આરોપી તારીફ ત્રણ ચાર માસથી ચારિત્ર્ય બાબતે શંકા રાખી બેફામ માર મારતો હતો. જેના ત્રાસથી કંટાળી જઇ શબાના પિયરમાં રીસામણે આવી હતી. ત્યારબાદ બન્ને વચ્ચે સમાધાન થતા આરોપી પતિ ફરી ઘરે લઈ ગયો હતો. ત્યારબાદ પણ આરોપીએ લખણ ઝટકાવી માથાકૂટ ચાલુ રાખતા શબના ફરી સિસામણે આવી હતી. ત્યારબાદ શબાનાને આરોપી સાથે રહેવું ન હોવા છતાં તે દબાણ કરતો હતો. આ દરમિયાન શબાના અને તેની પુત્રી રૂબીના જામનગર આવી હતી. જેનો ખ્યાલ આવી જતા તારીફ આવ્યો અને બનેંને કોઈપણ કાળે પોતાની સાથે લઈ ગયો હતો. ત્યારબાદ માથાકૂટ કરી અને બન્નેને મોતને ઘાટ ઉતારી દીધી હતી. આરોપીએ શબાનાને મોઢા, ગળાના ભાગે તેમજ છાતી અને પડખામાં તીક્ષ્ણ હથિયારના ઘા ઝીકયા હતા.જેને પગલે તેણીને ગંભીર ઇજાઓ પહોંચી હતી અને લોહીલુહાણ હાલતમાં ઢળી પડ્યા બાદ મોત નીપજ્યું હતું. આ વારદાતને અંજામ આપ્યા બાદ આરોપીએ લાશને અવાવરું જગ્યાએ ફેંકી દિધાનું બહાર આવ્યું છે. જેને લઈને પંચકોશી બી ડિવિઝન પોલીસે વધુ તપાસ હાથ ધરી છે.
પરિવાર મજૂરીકામ કરીને પોતાનું ગુજરાન ચલાવતો હતો
સૂત્રો માંથી મળતી પ્રાથમિક માહિતી અનુસાર યુપી રહેતો પરિવાર મજૂરી કામ અર્થે જામનગર પંથકમા આવ્યો હતો. જ્યા મજૂરીકામ કરીને પોતાનું ગુજરાન ચલાવતો હતો. જામનગરના દરેડમાં રહેતા મૂળ ઉત્તરપ્રદેશના વતની તારીક કાળુ નામના મુસ્લિમ યુવકે ગઇકાલે ચારિત્રયની શંકાના કારણે ઝઘડા બાદ રિસામણે ગયેલી પત્નિ શબાના અને દોઢ વર્ષની માસુમ પુત્રી રૂબીના સાથે યેનકેન પ્રકારે ઘરે બોલાવી પૂર્વયોજીત રીતે તીક્ષણ હથિયારથી ગળા અને શરીરના અન્ય ભાગે ઘા ઝીંકી નિર્મમ રીતે હત્યા નિપજાવી હતી. હાલ તો પોલીસે આ આરોપી પતિની ધરપકડ કરી છે અને વધુ તપાસ હાથ ધરી છે.