VIDEO / જ્યાં બરાબર ઓક્સિજન પણ નથી પહોંચતો, ત્યાં લદ્દાખ રચશે ઈતિહાસ, યોજાશે 21 કિમીની લાંબી મેરેથોન દોડ

• 14200 ફૂટની ઉંચાઈ પર આ તળાવનું પાણી બરફ થઈ ગયું  
• 75 સ્પર્ધકો ઐતિહાસિક મેરેથોન દોડ કરશે
• ગિનિસ બુક ઓફ વર્લ્ડ રેકોર્ડની ટીમ પણ હાજર રહેશે

ચીનની બોર્ડરની નજીક આવેલા પેંગોંગ તળાવ પર મેરેથોનનું આયોજન કરવામાં આવી રહ્યું છે. લદ્દાખમાં 14200 ફૂટની ઉંચાઈ પર આ તળાવનું પાણી આ દિવસોમાં જામી ગયું છે. જે ઊંચાઈ પર યોગ્ય રીતે ઓક્સિજન પણ નથી આવતો. ત્યાં 75 સ્પર્ધકો ઐતિહાસિક મેરેથોન દોડ કરશે.

21 કિલોમીટર લાંબી આ મેરેથોન દરમિયાન ગિનિસ બુક ઓફ વર્લ્ડ રેકોર્ડની ટીમ પણ હાજર રહેશે. 20 ફેબ્રુઆરીએ લદ્દાખના લુકુમ વિસ્તારથી માન વિસ્તાર સુધી એટલે કે 21 કિલોમીટર લાંબી મેરેથોન માટે પ્રશાસન દ્વારા તમામ તૈયારીઓ પૂર્ણ કરી લેવામાં આવી છે. આ મેરેથોનમાં દોડવા માટે તમામ 75 સ્પર્ધકોએ પહેલા લદ્દાખમાં પહોંચવું પડશે. બાદમાં તેમનું મેડિકલ ચેકઅપ કરવામાં આવશે કે તે આટલી ઊંચાઈએ દોડી શકે છે કે નહીં ?

Run on frozen #PangongTso Lake in #Ladakh. pic.twitter.com/v2680tso3a

— Suhail Nazeer (@SaahilSuhail) February 13, 2023

ટીમે થીજી ગયેલા તળાવનું નિરીક્ષણ કર્યું
મેરેથોન પહેલા રવિવારે નિષ્ણાતોની એક ટીમે થીજી ગયેલા તળાવનું નિરીક્ષણ કર્યું છે. સ્પર્ધકો જે ભાગ પર આ તળાવ પર દોડશે તે ભાગને ચિહ્નિત કરવામાં આવશે જેથી કરીને ક્યાંય પણ કોઈ અનિચ્છનીય બનાવ ન બને.

એડવેન્ચર સ્પોર્ટ્સ ફાઉન્ડેશનની ટીમ આ સમગ્ર મેરેથોનને લઈને તૈયારીઓ કરી રહી છે. મેરેથોન દરમિયાન લદ્દાખ ઓટોનોમસ હિલ ડેવલપમેન્ટ કાઉન્સિલ અને લદ્દાખ એડમિનિસ્ટ્રેશનની સાથે ભારતીય સેના ITBP, પોલીસ, SDRF ની સાથે સાથે માઉન્ટેનિયરિંગ ગાઈડ ઈન્સ્ટીટ્યૂટના નિષ્ણાતો પણ હાજર રહેશે. જે ઈમરજન્સીની સ્થિતિમાં બચાવની સુવિધા પૂરી પાડશે. આ સાથે મેડિકલ ટીમ પણ એલર્ટ મોડ પર રહેશે.

ચુશૂલના કાઉન્સેલર કોંચુક સ્ટૈંઝિને મીડિયા સાથે વાત કરતા કહ્યું, આ એક ખૂબ જ ઐતિહાસિક ઘટના હશે, જેનું આયોજન G-20 હેઠળ કરવામાં આવ્યું છે. આનાથી ન માત્ર ગ્રામીણ પર્યટનને જ પ્રોત્સાહન મળશે પરંતુ તેનાથી ગ્લેશિયરને બચાવવા માટે જાગૃતિ અભિયાનને પણ પ્રોત્સાહન મળશે. તેમના કહેવા પ્રમાણે, મેરેથોનને લાસ્ટ રન નામ આપવામાં આવ્યું છે, જેથી લોકોને કહી શકાય કે ગ્લેશિયર કેટલું મહત્વનું છે અને ક્લાઈમેટ ચેન્જ કેટલો ગંભીર વિષય છે.