ઉમરગામ GIDCમાં આવેલી ગુજરાત ગેસ કંપનીની ઓફિસમાં લાગી આગ 

વલસાડ જિલ્લાના ઉમરગામ જીઆઇડીસીમાં આવેલી ગુજરાત ગેસ કંપનીની ઓફિસમાં અચાનક આગ લાગતા દોડધામ મચી ગઇ હતી. રહેણાંક વિસ્તારમાં આવેલી જીએસપીસીની ઓફિસમાં આગ લાગતા ઓફિસની આજુબાજુમાં રહેતા લોકો પણ ઘરની બહાર દોડી આવ્યા હતા. 

મહત્વપૂર્ણ છે કે આજે ઓફિસમાં રજાનો દિવસ હતો. જોકે રજાના દિવસે જ ઓફિસના એક ભાગમાં આગની શરૂઆત થઇ હતી અને થોડી જ વારમાં આગે મોટું સ્વરૂપ ધારણ કરતા ઓફિસનો અડધો ભાગ આગની જ્વાળામાં લપેટાઈ ગયો હતો.

જેને કારણે ધુમાડાના ગોટાથી આસપાસના વિસ્તારમાં ભયનો માહોલ છવાઇ ગયો હતો. ઘટનાની જાણ થતા જ ફાયર ફાઇટર અને ઓફિસના અધિકારીઓ અને કર્મચારીઓ ઘટના સ્થળ પર દોડી આવ્યા હતા.

જોકે આગ મોટું સ્વરૂપ ધારણ કરે એ પહેલા ફાયર ફાઈટરોએ ભારે જહેમત બાદ આગ પર કાબુ મેળવવામાં સફળતા મેળવી હતી પરંતુ આ ઘટનામાં ઓફિસમાં રાખેલા મહત્વના દસ્તાવેજો અને કોમ્યુટર સહિત કેટલાક દસ્તાવેજો બળીને ખાખ થઇ ગયા હતા.

આમ રજાના દિવસે ઓફિસમાં લાગી અચાનક લાગવાનું કારણ હજુ સુધી જાણી શકાયું નથી પરંતુ દસ્તાવેજો અને સામગ્રી બળી જવાની આ ઘટનામાં આગ લાગવાના કારણ પર અનેક સવાલો ઉભા થઇ રહ્યા છે. જોકે આ ઘટનામાં કોઈ જાનહાની થતાં લોકોએ હાશકારો અનુભવ્યો હતો.