દિલ્હીમાં ગઇકાલે રાત્રે બનેલી અકસ્માતની ઘટનામાં અનેક લોકો ઘાયલ, પૂર્વ ધારાસભ્ય સુનીલ જૈન મધ્યપ્રદેશના સાગરથી BMW કાર ચલાવી રહ્યા હોવાની ચર્ચા
મોડી રાત્રે ગીતા કોલોની ફ્લાયઓવર અકસ્માતની ઘટના
દિલ્હીમાં પૂર્વ ધારાસભ્યની કારે બે વાહનોને ટક્કર મારી
મધ્યપ્રદેશના સાગરથી ધારાસભ્ય રહી ચૂક્યા સુનિલ જૈન
દેશની રાજધાની દિલ્હીમાં શનિવારે મોડી રાત્રે એક ભયંકર અકસ્માતની ઘટના સામે આવી છે. દિલ્હીના ગીતા કોલોની ફ્લાયઓવર પર એક બેકાબૂ BMW કારે બે વાહનોને ટક્કર મારી હતી. વિગતો મુજબ દુર્ઘટના સમયે પૂર્વ ધારાસભ્ય સુનીલ જૈન મધ્યપ્રદેશના સાગરથી BMW કાર ચલાવી રહ્યા હતા. આ અકસ્માતમાં કેટલાક લોકો ઘાયલ થયા છે. સમગ્ર મામલે પોલીસે ગુનો નોંધી વધુ તપાસ હાથ ધરી છે.
દિલ્હીના ગીતા કોલોની ફ્લાયઓવર પર ગઇકાલે રાત્રિ દરમ્યાન વાહન વ્યવહાર સામાન્ય હતો. વાહનોની અવરજવર રાબેતા મુજબ ચાલી રહી હતી. આ દરમ્યાન અચાનક એક BMW કારે આગળ જઈ રહેલી વેગન આર કારને ટક્કર મારી હતી. BMW સાથે અથડાયા બાદ વેગન આરના ચાલકે કાર પરથી કાબુ ગુમાવી દીધો હતો. એક અનિયંત્રિત વેગન આર કારે સ્કૂટીને ટક્કર મારી.
BMW કારે બે કારને અડફેટે લેતાં અકસ્માત
દિલ્હીમાં બેફામ બનેલી BMW કારે પહેલા વેગન આર કાર અને પછી કિયા સેલ્ટોસને ટક્કર મારી હતી. BMW સાથે અથડાયા બાદ કિયા સેલ્ટોસ પણ બીજી કાર સાથે અથડાઈ હતી. અકસ્માત એટલો ભયાનક હતો કે, અકસ્માતમાં સામેલ તમામ વાહનો નાશ પામ્યા હતા. અકસ્માત સમયે મધ્યપ્રદેશના પૂર્વ ધારાસભ્ય સુનીલ જૈન BMW કાર ચલાવી રહ્યા હતા.
સૂત્રોએ જણાવ્યું હતું કે, સુનીલ જૈન મધ્યપ્રદેશના સાગરથી ધારાસભ્ય રહી ચૂક્યા છે. ઘટનાની માહિતી મળતાં જ પોલીસ ઘટનાસ્થળે પહોંચી હતી અને અકસ્માતની તપાસ હાથ ધરી હતી. પોલીસે આ ઘટના અંગે IPCની કલમ 279 અને 337 હેઠળ કેસ નોંધીને તપાસ શરૂ કરી છે.