માનવતા / રિષભ પંતને કાળનો કોળિયો બનતા અટકાવનાર ડ્રાઈવર-કંડક્ટરને મળ્યું ઈનામ, બતાવી સમગ્ર ઘટના

• પંતને ઝપકી આવી અને કાર ડિવાઈડર સાથે અથડાઈ
• સુશીલ કુમાર અને પરમજીતે બચાવ્યો પંતનો જીવ 
• જો 5-7 સેકન્ડનો મોડું થયું હોત તો.. 

ભારતીય ટીમનો સ્ટાર વિકેટકીપર બેટ્સમેન રિષભ પંત કાર અકસ્માતમાં ગંભીર રીતે ઘાયલ થયો છે. ઘટના બાદ મર્સિડીઝ કારમાં ભીષણ આગ ફાટી નીકળી હતી. આ ઘટના શુક્રવારે (30 ડિસેમ્બર) વહેલી સવારે રૂરકીના ગુરુકુલ નરસન વિસ્તારમાં બની હતી. સવારે 5:15 વાગ્યે તેમની મર્સિડીઝ બેન્ઝ કાર નરસન બોર્ડર પર રોડની રેલિંગ સાથે અથડાઈ હતી અને મીડિયા રિપોર્ટ્સ અનુસાર ટક્કર એટલી મોટી હતી કે કાર હવામાં ઉછળીને થોડે દૂર જઈને પડી હતી અને આ અકસ્માત પછી તરત જ કારમાં આગ લાગી હતી, જોતાં જોતાં જ મર્સિડીઝ બેન્ઝ થોડી વારમાં સંપૂર્ણ રીતે બળીને ખાખ થઈ ગઈ હતી. 

ભારતીય ક્રિકેટ ટીમના સ્ટાર ક્રિકેટર રિષભ પંતનો અકસ્માત થયો ત્યારે એમની પાસે સૌથી પહેલા બસ ડ્રાઈવર સુશીલ કુમાર અને કંડક્ટર પરમજીત પહેલા પહોંચ્યા હતા અને એમને જ પંતને બચાવીને અને એમ્બ્યુલન્સ બોલાવી અને તેને હોસ્પિટલ મોકલ્યો હતો. જણાવી દઈએ કે આ બંને લોકોને આ પ્રશંસનીય કામ માટે મોટું ઈનામ મળ્યું છે, સુશીલ કુમાર અને પરમજીતને પાણીપત ડેપો દ્વારા સન્માનિત કરવામાં આવ્યા છે. આ સાથે જ ઉત્તરાખંડ સરકારે પણ જાહેરાત કરી છે કે બંનેએ માનવતા માટે પ્રશંસનીય કામ કર્યું છે અને એ માટે બંનેને સન્માનિત કરવામાં આવશે. 

As we dragged him (Rishabh Pant) out, the car caught fire & burned down within 5-7 secs. He had major injuries on his back. We enquired about his personal information & that is when he said he is an Indian team cricketer: Bus staff Paramjeet who rescued Cricketer Rishabh Pant pic.twitter.com/FQRrk1krVB

— ANI (@ANI) December 31, 2022

જો 5-7 સેકન્ડનો મોડું થયું હોત તો.. 
બસ કંડક્ટર પરમજીતે આ વિશે વાત કરતાં જણાવ્યું હતું કે, 'અમે રિષભ પંતને કાર પાસેથી દૂર લઈ ગયા કે તરત જ 5-7 સેકન્ડમાં કારમાં આગ લાગી હતી અને તે બળીને ખાખ થઈ ગઈ હતી. એમને પીઠ પર ઘણી ઈજાઓ થઈ હતી. આ પછી જ્યારે અમે તેને પૂછ્યું કે તે કોણ છે તો એમને કહ્યું કે તે ક્રિકેટર રિષભ પંત છે.' આ નિવેદનથી સ્પષ્ટ થાય છે કે જો 5-7 સેકન્ડનો વિલંબ થાય તો કંઈક અઘટિત થવાની સંભાવના હતી.

Haryana | Bus driver Sushil Kumar & conductor Paramjeet spotted an uncontrolled car ram over the divider near Gurukul Narsan. They ran towards car to help the passenger. We have honoured them, state govt will too honour them for the work of humanity: Panipat Bus Depot GM K Jangra pic.twitter.com/J3pE410n8A

— ANI (@ANI) December 31, 2022

ઝપકી આવી અને કાર ડિવાઈડર સાથે અથડાઈ
રિષભ પંતનો આ અકસ્માત રૂરકી નજીક ગુરુકુલ નરસાન વિસ્તારમાં થયો હતો. પંત પોતે કાર ચલાવી રહ્યા હતા અને અકસ્માત બાદ પંતે કહ્યું હતું કે તે ડ્રાઇવિંગ કરતી વખતે સૂઈ ગયો હતો અને કાર ડિવાઈડર સાથે અથડાઈ હતી, અકસ્માત થયા પછી તે વિન્ડ સ્ક્રીન તોડીને બહાર આવ્યો અને આ પછી કારમાં જોરદાર આગ લાગી હતી.

હાલમાં ઋષભ પંતની દેહરાદૂનની મેક્સ હોસ્પિટલમાં સારવાર ચાલી રહી છે. એવું કહેવામાં આવ્યું છે કે પંતને માથા અને પગમાં સૌથી વધુ ઈજાઓ થઈ છે. આ કારણે તેમના મગજ અને કરોડરજ્જુનું એમઆરઆઈ સ્કેન પણ કરવામાં આવ્યું હતું. જેનો રિપોર્ટ નોર્મલ આવ્યો છે.