નિર્ણય / વારંવાર સર્વર ડાઉનની ફરિયાદો મળતા રાજકોટના DDOએ લઈ લીધો મોટો નિર્ણય, 591 ગામોને થશે ફાયદો

• રાજકોટના DDO દેવ ચૌધરીનો મહત્વનો નિર્ણય
• જિલ્લાની 591 ગ્રામ પંચાયતોને જોડવામાં આવશે
• સર્વર ડાઉનની ફરિયાદ વચ્ચે નિર્ણય

જિલ્લાની 591 ગ્રામ પંચાયતોને જોડવામાં આવશે

રાજકોટ જિલ્લાના 591 ગ્રામ પંચાયતો હેઠળ ગ્રામજનોના દાખલા સહિતની સરકારી વહીવટી પ્રક્રિયા અંતર્ગત છાસવારે સર્વર ડાઉન રહેતું હોવાની ઉઠતી ફરિયાદોનું સંપૂર્ણપણે નિરાકરણ નથી. જેને લઈને અરજદારોને આવકના દાખલાઓ કાઢવામાં મુશ્કેલી પડી તેમજ આયુષ્માન કાર્ડ કાઢવાની કામગીરી હોય કે પછી આધારકાર્ડની કામગીરી તમામ કામગીરી ધીમી ચાલી રહી છે. ત્યારે ગ્રામજનોને સર્વર ડાઉનને કારણે મુશ્કેલીઓની ફરિયાદો વચ્ચે તંત્ર દ્વારા હાઇસ્પિડ ઇન્ટરનેટની સુવિધા ઉપલબ્ધ મોટો નિર્ણય લેવામાં  આવ્યો છે 

સર્વર ડાઉનની ફરિયાદ વચ્ચે નિર્ણય

રાજકોટ જિલ્લા વિકાસ અધિકારી દેવ ચૌધરીએ જણાવ્યું હતું કે, ડિજિટલ ઇન્ડિયાના ભાગરૂપે ગુજરાત રાજ્યમાં 99.97 ટકા ગ્રામપંચાયતોમાં ઓપ્ટિકલ ફાઇબર કનેક્ટિવિટી આપવાની યોજના અંતર્ગત રાજકોટ જિલ્લાની 591 ગ્રામપંચાયતોનું ફાઇબર ઓપ્ટિકલ દ્વારા હાઇસ્પિડ ઇન્ટરનેટ સાથે જોડાણ કરવામાં આવશે. જે માટે ઇ-ગ્રામ સેન્ટરોમાં હાઇસ્પિડ ઇન્ટરનેટની સુવિધા મળી રહે તેવા હેતુથી ઇન્ટરનેટને લઇને આધુનિક સ્ટ્રક્ચર ઊભું કરવામાં આવશે જેના પગલે ઇ-ગ્રામ સેન્ટરમાં તમામ પ્રક્રિયાઓ ઝડપી બનશે.