નવસારીથી સપ્તસૃંગી જઇ રહેલી બસ ખીણમાં ખાબકી ત્રણના મોત ૩૦થી વધુ ઈજાગ્રસ્ત

અકસ્માતના બનાવો દિવસે-દિવસે વધતા જાય છે ત્યારે વધુ એક ઘટના સામે આવી છે. નવસારીથી સપ્તસૃંગી જઈ રહેલી બસ ખીણમાં ખાબકી છે.

બસ ખીણમાં ખાબકતા બે મહિલા અને એક બાળકનું ઘટના સ્થળે જ કમકમાટી ભર્યું મોત થયું છે. આ ખાનગી બસ મહારાષ્ટ્રની હદમા હથગડ ખાતે ખીણમાં ખાબકી છે.

આ અકસ્માતના બનાવમાં બે મહિલા અને એક બાળકના મોત ઉપરાંત 30થી પણ વધુ લોકો ઈજાગ્રસ્ત થયાના અહેવાલો પ્રાપ્ત થઇ રહ્યા છે. 

આવા કમકમાટી ભર્યા અકસ્માતની પોલીસને જાણ થતા પોલીસ અધિકારીઓ તરત ઘટના સ્થળે દોડી આવ્યા હતા અને ઈજાગ્રસ્ત લોકોને બચાવવાની કામગીરી હાથ ધરી છે. ૩૦થી વધુ ઈજા પહોચેલ લોકોને સારવાર માટે આહવાની સિવિલ હોસ્પિટલમાં ખસેડવામાં આવ્યા છે.