ભારતમાં લગ્ન ખાસ હોય છે અને રોજબરોજ એવા વીડિયો સામે આવે છે જેને જોઇને આપણે હસી હસીને લોટપોટ થઇ જઇએ છીએ. હાલમાં જ એવો એક વીડિયો સામે આવ્યો છે.
દુલ્હન જાતે કાર ચલાવી સાસરે ગઇ
અનોખી વિદાયનો વીડિયો વાયરલ
કશ્મીરી દુલ્હને તોડ્યા રિવાજો
દુલ્હન જાતે ગાડી ચલાવી પહોંચી સાસરે
હાલમાં જ એક વીડિયો વાયરલ થઇ રહ્યો છે જેમાં એક દુલ્હન જાતે કાર ચલાવીને સાસરે પહોંચી જાય છે. આ વીડિયો જોઇને લોકોને મહાભારતની સુભદ્રા અને અર્જુનની યાદ આવી જાય છે. જ્યારે અર્જુનને રથ પર બેસાડીને સુભદ્રાએ રથ ચલાવ્યો હતો.
ભારતમાં સામાન્ય રીતે તેવી જ પરંપરા છે કે લગ્ન બાદ દુલ્હનને એક સજાયેલી કારમાં બેસાડવામાં આવે છે અને તેને સાસરે લઇ જવામાં આવે છે. કાશ્મીરના બારામૂલામાં આ પરંપરા તૂટી છે. દુલ્હને પોતે જ ગાડી ચલાવી અને પોતાના પતિને લઇને સાસરે પહોંચી હતી. આ વીડિયો સોશ્યલ મિડીયા પર વાયરલ થઇ રહ્યો છે.
અલગ છે કશ્મીરી દુલ્હન
લગ્ન બાદ વિદાયમાં મોટાભાગની દુલ્હન ધ્રુસકે ને ધ્રુસકે રડે છે. ઘણીવાર તો દુલ્હન બેભાન પણ થઇ જાય છે. ગાડી ડ્રાઇવર ચલાવે છે અને દુલ્હન તેમજ વરરાજા પાછળની સીટમાં બેસે છે. આ વીડિયોમાં તમે જોઇ શકશો કે દુલ્હન પોતે જ ગાડી ચલાવીને વરરાજાને બાજુમાં બેસાડી લઇ જઇ રહી છે.
રૂઢીવાદી ધારણાઓને તોડે છે વીડિયો
દુલ્હન પોતે ગાડી ચલાવી રહી છે અને રૂઢીવાદી પરંપરાઓને આ વીડિયો તોડી રહ્યો છે. હંમેશા આપણે દુલ્હનને શરમાળ અને વિનમ્ર બતાવી છે પરંતુ હવે જમાનો બદલાઇ રહ્યો છે. અત્યારની મહિલા અબળા નથી રહી તે પોતે જ પોતાનું અને પરિવારનું ધ્યાન રાખી શકે છે. કેટલાક કિસ્સામાં તો પત્ની જ પતિની રક્ષા કરતી જોવા મળે છે.