અંતિમ ઈચ્છા / કબર ખોદીને કાઢ્યો મિત્રનો મૃતદેહ, પછી બાઇક પર આખું શહેર ફર્યા, કારણ જાણીને હેબતાઈ જશો

• ઈક્વાડોરમાં મિત્રની અંતિમ વિધિ માટે લાશને તાબૂતમાંથી બહાર કાઢી
• મિત્રોના એક ગ્રુપે મિત્રના નિર્જીવ શરીરને બાઈક પર આખા શહેરમાં ફેરવ્યું
• પુરૂષોના ગ્રુપનો દાવો, તેના મિત્રની અંતિમ ઈચ્છા હતી કે આ રીતે શ્રદ્ધાંજલિ આપે

તાબૂતમાંથી બહાર કાઢ્યુ શબ

હાલમાં કેટલાંક મિત્રોના એક ગ્રુપનો ફોટો સામે આવ્યો છે. જેમાં મિત્ર પોતાના એક મિત્રની લાશને 'એક અંતિમ' મોટરસાઈકલની સવારી કરાવવા માટે શહેરમાં ફરે છે. જેના માટે તેમણે તાબૂતને ખોદીને પોતાના મિત્રનું શબ બહાર કાઢ્યું. એરિક સેડેનોના મિત્રોનો દાવો હતો કે તેમને ઈક્વાડોરમાં પોતાના મિત્રના અંતિમ સંસ્કાર કરવા માટે અને તેના મિત્રની લાશને તાબૂતમાંથી બહાર કાઢવા માટે તેના માતા-પિતાની મંજૂરી મળી છે.

આ અંદાજમાં મિત્રોએ આપી અંતિમ વિદાય

મીડિયા રીપોર્ટસમાં કહેવામાં આવ્યું છે કે લગભગ 7 પુરૂષોને એક મોટરસાઈકલની આજુબાજુ જોયા છે અને તેઓ એક નિર્જિવ શરીરને બાઈક પર રાખીને શહેરમાં ફરાવી રહ્યાં છે. જેવી રીતે યુવાનો બાઈક ચલાવે છે, તેવી રીતે મિત્રોનું આ ગ્રુપ બાઈક ચલાવી રહ્યાં છે. અન્ય મીડિયાના એક રિપોર્ટ મુજબ, પુરૂષોના ગ્રુપનું માનવુ છે કે તેઓ પોતાના મિત્રને શ્રદ્ધાંજલિ આપવા માંગતા હતા. આ તેના મિત્રની અંતિમ ઈચ્છા હતી. તેઓ આ રીતે પોતાના મિત્રને અલવિદા કહેવા માંગતા હતા અને બધા મિત્રોએ તાબૂત પર દારૂના ટીપાનો છંટકાવ કર્યો હતો. ઉલ્લેખનીય છે કે, એરિકની મોત ગત અઠવાડિયે થઇ હતી. જ્યારે તે પોતાના મિત્રના અંતિમ સંસ્કાર માટે રસ્તામાં જતો હતો ત્યારે કોઈ વ્યક્તિએ તેની પર ગોળી ચલાવી હતી. તેની ઉંમર 21 વર્ષ હતી.

જાણો પોલીસે શું કહ્યું

પોલીસે કહ્યું કે આ શહેરમાં આવુ પ્રથમ વખત બન્યું છે. આ એક અસામાન્ય અને ખોટી પદ્ધતિ છે. જોકે, પોલીસે મિત્રોના ગ્રુપમાંથી કોઈ પણ વ્યક્તિની ધરપકડ કરી નથી અને આ ઘટનાની કોઈ તપાસ પણ શરૂ કરી નથી. કારણકે અંતિમ વિધિને એક ખાનગી કાર્યક્રમ માનવામાં આવે છે અને કોઈ વ્યક્તિ વિરુદ્ધ કોઈ ફરિયાદ મળી નથી.