યુપીના મેરઠમાં ભાજપના એક કાઉન્સિલરે રેસ્ટોરન્ટમાં જ પોલીસ અધિકારની ધોલાઈ કરી હતી.જેનો વીડિયો સોશ્યલ મીડિયા પર વાયરલ થઈ રહ્યો છે.
આ ઘટના મેરઠના કંકરખેડા વિસ્તારમાં બની હતી જ્યાં ભાજપનાં કોર્પેરેટર સ્થાનીક હોટેલમાં વિવાદ બાદ યુપી પોલીસ સબ ઇન્સેપકટરની ધોલાઇ કરી હતી.
શુક્રવારે એક રેસ્ટોરન્ટમાં પોલીસ અધિકારી તેમની મહિલા વકીલ મિત્ર સાથે જમવા માટે ગયા હતા.આ રેસ્ટોરન્ટ મેરઠના કાઉન્સિલર મનીષ કુમારની છે.
એવો આરોપ છે કે પોલીસ અધિકારી નશામાં હતા અને તેમની રેસ્ટોરન્ટના સ્ટાફ સાથે બોલાચાલી થઈ હતી. ભારે હંગામો થતા મનીષ ત્યાં પહોંચી ગયો હતો.તેની પણ અધિકારી સાથે બોલાચાલી થઈ હતી.
ત્યારબાદ મનીષે પોલીસ અધિકારીને તમાચા પર તમાચા મારવાના શરુ કરી દીધા હતા.પોલીસ અધિકારીની ધોલાઈને તેના મિત્રોએ વીડિયો પણ બનાવ્યો હતો.
પોલીસે સ્થળ પર પહોંચીને મામલો શાંત કર્યો હતો.પોલીસે અધિકારી અને તેની મિત્રને મેડીકલ ચેક અપ માટે મોકલ્યા હતા જ્યારે કાઉન્સિલરની ધરપકડ કરી હતી.