ટીવી પર અભિનેતા રણવીર સિંહનો શો 'ધ બિગ પિક્ચર' દર્શકોની વચ્ચે ખૂબ લોકપ્રિય છે. આ વિકેન્ડે આ શોનો અંતિમ એપિસોડ આવવાનો છે, જેમાં કાજોલ અને કરણ જોહર મસ્તી કરતા જોવા મળશે. બંને શોમાં મહેમાન તરીકે જોવા મળશે. બંનેની જોડી શોમાં ચાર ચાંદ લગાવવાની છે. કલર્સ ચેનલે શોનો એક નવો પ્રોમો રિલીઝ કર્યો છે. જેમાં કરણ અને કાજોલ બંને એક લોકપ્રિય ગીતો પર ડાન્સ કરી રહ્યાં છે.
રણવીર સિંહનો શો 'ધ બિગ પિક્ચર' દર્શકોની વચ્ચે ખૂબ લોકપ્રિય
કાજોલ અને કરણ જોહર આ શોમાં મસ્તી કરતા જોવા મળશે
કલર્સ ચેનલે શોનો એક નવો પ્રોમો રિલીઝ કર્યો
વીડિયો થયો વાયરલ
કરણ જોહર અને કાજોલને રણવીર સિંહ સવાલ પૂછે છે. આ સવાલનો વિકલ્પ રણવીર આપતા નથી. આની પહેલા કાજોલ અને કરણની જોડી બજર દબાવી દે છે. આ દરમ્યાન મસ્તી, મજાક અને ધમાલ સ્પષ્ટ જોવા મળે છે. ત્યારબાદ રણવીર સિંહ ડફલી બજાવે છે અને કરણ જોહર ડફલી વાલે ડફલી બજા ગીત પર ડાન્સ કરી રહ્યાં છે. ત્રણેય સેલિબ્રિટીઓ મજાની પળો માણી રહ્યાં છે.
આની પહેલા ચેનલે એક પ્રોમો રિલીઝ કર્યો હતો. જેમાં કરણ જોહર બોલે ચૂડિયા પર ડાન્સ કરી રહ્યાં હતા. કાજોલ અને કરણ જોહર પહેલી વખત રણવીર સિંહના શોમાં જોવા મળશે. શોના આ એપિસોડનો પ્રશંસકો આતુરતાપૂર્વક રાહ જોઈ રહ્યાં છે. થોડી ક્ષણોમાં તેને 50 હજાર લોકો લાઈક કરી ચૂક્યા છે.