હમ દો હમારે દોને આખુ વિશ્વ ફોલો કરી રહ્યુ છે ત્યારે જ્યોર્જીયાની ક્રિસ્ટીના આ વાતને બકવાસ કહે છે. તેનું કહેવું છે કે લોકો જેટલા બાળકોને વ્યવસ્થિત શિક્ષણ અને જીંદગી આપી શકે તેટલા બાળકો કરવા જોઇએ.
ક્રિસ્ટીનાને બાળકો સાથે ખુબ પ્રેમ છે. 23 વર્ષની ઉંમરમાં તે 11 બાળકોનું પાલન પોષણ કરી રહી છે. તેની સૌથી મોટી દીકરી 6 વર્ષની છે. માત્ર 17 વર્ષની ઉંમરમાં તે મા બની ગઇ હતી.
ક્રિસ્ટીના અમીર પરિવારમાંથી આવે છે, તેની પાસે કરોડોની સંપત્તિ છે અને તે સોશ્યલ મિડીયા પર પરિવારને કારણે સુપરસ્ટારની જેમ જીવે છે. તે પોતાના બાળકો સાથે તસવીરો પોસ્ટ કરતી રહે છે.
જોર્જીયામાં રહે છે પરિવાર
ક્રિસ્ટીનાનું કહેવું છે કે હું મારા પરિવારના વધારાને રોકવા નથી ઇચ્છતી. હું તો વધારે બાળકો ઇચ્છુ છુ. મને બાળકોથી ખુબ પ્રેમ છે અને તેમના પાલન પોષણમાં મને આનંદ મળે છે. ક્રિસ્ટીનાના પતિની ઉંમર 56 વર્ષ છે અને તે મોટો બિઝનેસમેન છે. તે મોસ્કોમાં પેદા થઇ અને તેનો પતિ તુર્કીના મોટા ખાનદાનમાં પેદા થયો પરંતુ તે લોકો જોર્જીયામાં રહે છે.
જોર્જીયાના બીજા નંબરના સૌથી મોટા શહેરમાં રહેનારા આ દંપતિ બાળકો સાથે ખુબ પ્રેમ કરે છે. મિડીયા સાથેની એક વાતચીતમાં તેમણે કહ્યું કે અમે 105 બાળકો ઇચ્છીએ છીએ. તેણે કહ્યું કે તેમની સૌથી મોટી દીકરીને તેમને પોતે જન્મ આપ્યો છે બાકીના બાળકો સેરોગસીથી જન્મ્યા છે.
ક્રિસ્ટીનાએ કહ્યું બાળકોને જન્મ આપવો અને તેમને સારી રીતે મોટા કરવા બંને અલગ બાબત છે. હું બાળકોને મોટા કરવામાં માનુ છું. આ બાળકો અમારા જૈવિક બાળકો છે તેમને સેરોગસીથી પેદા કરવામાં આવ્યા છે.