નિયમ / હાઈ-વે પર FASTag ફરજિયાત શરૂ થતા જ જુઓ હવે કેવા ધાંધિયા થયા શરૂ

નવું ભારત હવે ડિજિટલાઈઝેશન તરફ આગળ વધી રહ્યું છે. ફાસ્ટ ટેગ દ્વારા ટોલ ટે~સ વસૂલવાની નવી પદ્ધતિ  પ્રાયોગિક ધોરણે શરૂ કરી દેવાઈ છે. દેશમાં છેલ્લા થોડા સમયથી વાહનો પર ફાસ્ટટેગ લગાવીને ટોલટેક્સમાં પારદર્શિતા લાવવાનો  પ્રયાસ કરાઈ રહ્યો છે. પરંતુ નવાઈની વાત એ છે કે,  આટલી તૈયારી અને જહેમત બાદ પણ ફાસ્ટટેગ ટેકનોલોજીના ફાયદા મળતા હજું ઘણી વાર લાગશે તેવું લાગી રહ્યું છે. 

ફાસ્ટટેગની કાપલી બનાવીને આપી દેવાય છે 

કેમકે, વાહન ચાલકોનો ઝટપટ ફાસ્ટટેગની કાપલી બનાવીને આપી દેવાય છે. વાહન ચાલકો પણ હોંશે હોંશે ફાસ્ટટેગની કાપલીને પોતાના વાહન પર  ચોડી  દે છે.પરંતુ ટોલ પ્લા પરના સેન્સર વાહનો પરના  ફાસ્ટટેગને દૂરથી  સ્કેન કરી શકતા નથી. આઈથી ટોલપ્લાઝાના કર્મચારીએ મેન્યુઅલ સેન્સર લઈને વાહન પરના ફાસ્ટટેગ  સુધી સ્કેન કરવા જવું પડે છે. હાથમાં સેન્સર લઈને  ફાસ્ટટેગ સુધી જતા કર્મચારીઓના આ દ્રશ્યો જોઈને એવું લાગે છે. ટેકનોલોજી જાણે આપણી મજાક કરી રહી હોય. 

ફાસ્ટટેગના સેન્સર જ સ્કેન કરી શકતા નથી 

વાહન ચાલકો માટે માત્ર ફાસ્ટટેગના સેન્સર જ સ્કેન નહી કરી શકતા હોવાની  એક માત્ર સમસ્યા નથી. પરંતુ હજુ પણ સાંઈઠ ટકા વાહન ચાલકો ફાસ્ટટેગની કાર્યશૈલીથી અજાણ છે. આથી જ્યારે હવે 15મી જાન્યુઆરીથી દેશમાં ફાસ્ટ ટેગ ફરજિયાત બનવા જઈ રહ્યું છે ત્યારે ફાસ્ટ ટેગ વિશે જાણવું જરૂરી છે. આપને જણાવી દઈએ કે,  

ફાસ્ટટેગ માટે જરૂરી પ્રક્રિયા 

• ફાસ્ટેગ સમગ્ર દેશની 24 જેટલી બેંકોમાંથી મળી રહે છે 
• નેશનલ હાઈવે પર બેંકો દ્વારા તાત્કાલીક ફાસ્ટેગ લગાવી અપાય  છે 
• ફાસ્ટેગ માટે આરસી બુક અને આધારકાર્ડ જરૂરી છે 
• પ્રોસેસ બાદ 10 મિનિટમાં ફાસ્ટેગ ઈશ્યુ થઈ જાય છે 
• ફાસ્ટેગ લગાવ્યા બાદ  એક એપ્લીકેશન આપવામાં આવે છે  
• એપ્લિકેશનનું  નામ છે માય ફાસ્ટેગ એપ  
• એપ મારફતે વાહન ચાલક બેલેન્સ કરાવી ટોલ પ્લાઝા પર ટોલ ભરી શકે છે 

દેશના તમામ નેશનલ હાઈવે પર ફાસ્ટેગ સ્કેન કરવાના સેન્સર લગાવી દેવામાં આવ્યા છે. ટોલ પ્લાઝા પર તમારુ વાહન જાય છે ત્યારે એ સેન્સર મારફતે ઓટોમેટીક ગેટ ખુલી જાય છે અને તેમારા ફાસ્ટેગ વોલેટમાંથી ટોલ ટેક્સ કપાઈ જાય છે 

વાહનચાલકોને ફાસ્ટટેગથી નુકસાન થવાનો ખોટો ભય 

કેટલાક વાહનચાલકોને ફાસ્ટટેગથી નુકસાન થવાનો ખોટો ભય સતાવી રહ્યા છે. પરંતુ હકીકતમાં ફાસ્ટટેગ સુવિધા વાહનની સિક્યોરિટીની દ્રષ્ટીએ પણ લાભદાયી છે. ફાસ્ટેગ લગાવેલું તમારું વાહન તમારી જાણ બહાર જે રૂટ પરથી પસાર થાય છે અને ટોલ ભરે છે તેનો મેસેજ તમારા રજિસ્ટર્ડ મોબાઈલ નંબર પર આવી જાય છે.. આથી  તમારા વાહનની મૂવમેન્ટના અપડેટ મળતા રહે છે. વાહન પરનું ફાસ્ટટેગ સરળતાથી સ્કેન થઈ શકે તે માટે જરૂરી છે કે, ફાસ્ટ ટેગને તમારા વાહનની મધ્યમાં લગાવો