Samsungએ લોન્ચ કર્યુ 'ગોલ્ડ એડિશન' વર્ઝન ફોનમાં થયો છે 1KG સોનાનો ઉયપોગ

સ્માર્ટફોન બનાવનારી સાઉથ કોરિયન દિગ્ગજ કંપની Samsungએ હાલમાં જ ન્યૂયોર્કમાં એક ઇવેન્ટમાં Samsung Galaxy Note 9 લોન્ચ કર્યો છે. સાતમી જનરેશનના નોટ ડિવાઇસમાં 6.4 ઇંચના ક્યૂએચડી પ્લસ સુપર અમોલેડ ડિસ્પ્લે લાગેલી છે. લોન્ચિંગ સમયે Samsung Galaxy Note 9ને ચાર કલર બ્લેક કૉપર ઓશન બ્લૂ અને પર્પલમાં ઉપલબ્ધ કરાવ્યો હતો. પરંતુ હવે તેમાં એક નવો રોમાંચક વળાંક આવ્યો છે. એવા લોકો જેમને દરેક વસ્તુ સોનાની પસંદ આવે છે તેમના માટે ખૂબ જ સારી ખબર છે.

વાસ્તવમાં રશિયન કંપની કેવિયર Samsung Galaxy Note 9નું ફાઇન ગોલ્ડ એડિશન લઇને આવી છે. Galaxy Note 9ના આ ગોલ્ડ એડિશનની ખાસિયત છે કે તેના રિયર પેનલ પર એક કિલોગ્રામ સોનું લાગેલું છે. જણાવી દઇએ કે Galaxy Note 9ના ફાઇન ગોલ્ડ એડિશનમાં માત્ર રિયર પેલન જ સોનાનું છે જ્યારે તેના અન્ય બધા ફિચર્સ અને સ્માર્ટફોનની ડિઝાઇનમાં કોઈ ફેરફાર નથી કરવામાં આવ્યો. ફાઈન ગોલ્ડ એડિશનની કિંમત લગભગ 40 લાખ રૂપિયા છે. Samsung Galaxy Note 9 ભારતમાં 22 ઓગસ્ટે લોન્ચ થવા જઈ રહ્યો છે.

આ સ્માર્ટફોનના ખાસ ફીચર્સની વાત કરીએ તો ફેબલેટ Galaxy Note 9 માં 6.4 ઈંચની સુપર ક્યુએચડી પ્લસ સુપર એમોલેડ ડિસ્પલે લાગેલી છે. આ ફોનમાં 6GB RAM અને 128GB સ્ટોરેજની સુવિધા છે. આ સાથે જ 8GB RAM અને સ્ટોરેજ 256GB સુધી વધારવાનો ઓપ્શન છે. આ ફોનમાં પ્રોટેક્શન માટે ટોપ પર કોર્નિંગ ગ્લાસ 5 લાગેલો છે.

કેમેરાના મામલે Samsung Galaxy Note 9ને ખૂબ ખાસ બનાવવામાં આવ્યો છે. આ ડિવાઈસમાં 12+12 મેગાપિક્સલના બે રિયર કેમેરા સેન્સર છે. આ સાથે જ 8 મેગાપિક્લસનો ફ્રંટ કેમેરા પણ છે. આ ફોનમાં ફાસ્ટ ચાર્જ સપોર્ટ સાથે 4000 mAhની બોટરી છે.