31 માર્ચએ ફાઈનાન્શિયલ યર 2021-22 સમાપ્ત થવાનું છે. જો તમે ચાલુ નાણાકીય વર્ષમાં ટેક્સની બચત કરવા માંગો છો તો 31 માર્ચ પહેલા તમારે ટેક્સ સેવિંગ ઈન્સ્ટ્રૂમેન્ટ્સમાં રોકાણ કરવું પડશે.
ફાઈનાન્શિયલ યર 2021-22 પુરૂ થવા આવ્યું
31 માર્ચ સુધી ગમેતેમ કરીને પુરૂ કરી લો આ કામ
આ છે ટોપ ટેક્સ સેવિંગ ઈન્સ્ટ્રૂમેન્ટ્સ
ફાઈનાન્શિયલ યર 2021-22 પુરૂ થવા આવ્યું છે. એવામાં જો તમે હજુ સુધી પોતાના ટેક્સ સેવિંગ સ્કીમમાં ઈન્વેસ્ટમેન્ટ પુરૂ નથી કર્યું તો આ કામમાં બિલકુલ પણ મોડુ ન કરો. હાલના નાણાકીય વર્ષમાં વધુમાં વધુ ટેક્સ બચાવવા માટે તમારે 31 માર્ચ સુધી ગમેતેમ કરીને આ કામ પુરૂ કરી લેવું પડશે. ત્યાં જ ઘણા એવા લોકો છે જેમણે ફાઈનાન્શિયલ યરની વચ્ચે નોકરી બદલી હશે તો સ્વાભાવિક રીતે તેમની આવકમાં વધારો થયો હશે. એવા લોકોએ વધારે ટેક્સ બચાવવા માટે વધારે રોકાણ કરવાનું રહેશે.
આ યોજનામાં કરો રોકાણ
જો કોઈ વ્યક્તિ ટેક્સની રકમ ઘટાડવા માંગે છે તો તેની પાસે ઘણા પ્રકારની યોજનાઓમાં રોકાણ કરવાના ઓપ્શન છે. તેમાંથી ઘણા ઓપ્શન હેઠળ ઈનકમ ટેક્સ એક્ટના સેક્શન 80C હેઠળ 1.5 લાખ રૂપિયા સુધીની ટેક્સ છૂટ મળે છે.
આ છે ટોપ ટેક્સ સેવિંગ ઈન્સ્ટ્રૂમેન્ટ્સ
પબ્લિક પ્રોવિડન્ટ ફંડ
પબ્લિક પ્રોવિડન્ટ ફંડ લાંબા સમયગાળા માટે એક લોન્ગ-ટર્મ ટેક્સ સેવિંગ ઈન્સ્ટ્રૂમેન્ટ છે. તેમાં રોકાણ કરવા પર રોકાણકારને એફડીના મુકાબલે સારા વ્યાજદર પર રિટર્ન મળે છે. આ ફંડમાં રોકાણ કરવા પર 15 વર્ષનો લોક-ઈન પીરિયજ હોય છે. તમે કોઈ પણ નાણાકીય વર્ષમાં તેના માટે રોકાણ પર સેક્શન 80C હેઠળ ટેક્સમાં છૂટ મેળવી શકો છો.
નેશનલ સેવિંગ સર્ટિફિકેટ
આ પાંચ વર્ષના સમયગાળામાં સેવિંગ ઈન્સ્ટ્રૂમેન્ટ છે. આ યોજનામાં રોકાણ પર તમને નક્કી વ્યાજદર પર રિટર્ન મળે છે. કોઈ પણ નજીકની પોસ્ટ-ઓફિસમાં NSC એકાઉન્ટ ખોલાવી શકો છે. ઈન્વેસ્ટર્સને આ સ્કીમમાં રોકાણ પર ટેક્સ છૂટનો લાભ મળે છે.
નેશનલ પેન્શન સિસ્ટમ
આ એક પ્રકારનું સ્વૈચ્છિક રિટાયરમેન્ટ સેવિંગ સ્કીમ છે. તેને પેન્શન ફંડ રેગ્યુલેટરી એન્ડ ડેવલોપમેન્ટ ઓથોરિટી દ્વારા રેગ્યુલેટ કરવામાં આવે છે.
ટેક્સ સેવિંગ એફડી
પાંચ વર્ષના સમયગાળા માટે ફિક્સ્ડ ડિપોઝિટ પર ટેક્સ છૂટનો લાભ મળે છે. પાંચ વર્ષની એફડીમાં ઈન્વેસ્ટમેન્ટ પર 1.5 લાખ રૂપિયા સુધીની ટેક્સ છૂટ મેળવી શકાય છે.
લાઈફ ઈન્શ્યોરન્સ પોલિસીને પ્રીમિયમની ચુકવણી
યુનિટ-લિંક્ડ ઈન્શ્યોરન્સ પ્લાન, એન્ડોમેન્ટ પોલિસીઝ અને ટર્મ ઈન્શ્યોરન્સના પ્રીમિયમની ચુકવણી પર ટેક્સ છૂટનો લાભ મળે છે.