ઑટો / સિંગલ ચાર્જમાં 350KM ચાલશે ટાટાની આ શાનદાર ઇલેક્ટ્રીક કાર, મિડલ ક્લાસને પોસાય એટલી છે કિંમત 

• ટાટા મોટર્સ લાવ્યું સસ્તી કાર 
• ઇલેક્ટ્રીક કારનો આવ્યો જમાનો
• સિંગલ ચાર્જ પર ચાલશે 350KM

ટાટાની સસ્તી કાર
ટાટા મોટર્સ દેશના નાગરિકોને સસ્તી ઇલેક્ટ્રીક કાર આપવા માંગે છે. જેથી પેટ્રોલ ડિઝલના ભાવ વધે તો પણ કોઇનું કાર લેવાનું સપનું અધુરુ ન રહી જાય. 

સિંગલ ચાર્જમાં 350KM ચાલશે
ટાટા મોટર્સની ઓફિશ્યલ વેબસાઇટ અનુસાર, 31 ઓગસ્ટે ભારતમાં ટાટા ટિગોર ઇલેક્ટ્રીક લોન્ચ થવા જઇ રહી છે. લોન્ચિંગ પહેલા જ આ કારને લઇને જબરદસ્ત ક્રેઝ જોવા મળી રહ્યો છે. કારણ કે આ કાર ટાટાની સુપર સેલર કાર છે. મિડીયા રિપોર્ટ્સનું જો માનીએ તો કાર ડીલરશીપ સુધી પહોંચવા લાગી છે. જેમાં જાણવા મળ્યું છે કે આ કાર સિંગલ ચાર્જમાં 350KM સુધીની રેન્જ આપે છે. 

Ziptron EV ટેક્નોલોજી
થોડા સમય પહેલા ટાટા ટિગોરનો એક વીડિયો પણ લોન્ચ કરવામાં આવ્યો હતો. જેમાં કારના લૂક અને ફીચર્સ વિશે જાણ થઇ હતી. ટાટા ટિગોર ઇવીમાં Ziptron EV ટેક્નોલોજીનો ઉપયોગ કરવામાં આવ્યો છે. જિપટ્રોન પાવર્ડ ઇલેક્ટ્રીક વ્હીકલ વિશે ટાટા મોટર્સનો દાવો છે કે તેની બેટરી રેન્જ 250 કિમીની હોય છે પરંતુ ટિગોરમાં તે વધારે ચાલશે. આ કારને 10-12 લાખના બજેટમાં માર્કેટમાં લોન્ચ કરવામાં આવી શકે છે. 

5.9 સેકન્ડમાં પકડશે રફ્તાર 
ટાટાની આ ઇલેક્ટ્રીક કારમાં 55kWની ઇલેક્ટ્રીક મોટર અને 26kWhનું લિથિયમ આયન બેટરી પેક હશે જે 74bhp (55kW) ની પાવર અને 170Nm સુધીનો ટોર્ક જનરેટ કરવામાં સક્ષમ હશે. એવો દાવો કરવામાં આવી રહ્યો છે કે 5.9 સેકન્ડમાં 60kmphની સ્પીડ પર કાર ચલાવી શકશો. ટાટા મોટર્સ આ કાર પર 8 વર્ષ અને 1,60,000 km સુધીની બેટરી ગેરન્ટી આપે છે. સિંગલ ચાર્જમાં આ કાર 312 કિમી સુધી ચલાવી શકશો. 

ટાટાનો માસ્ટરસ્ટ્રોક
ટાટા મોટર્સનો આ દાવો છે કે આ કાર માસ્ટરસ્ટ્રોકથી ઓછી નથી કારણકે ટાટાની સસ્તી કાર જોઇને અન્ય કંપનીઓ પણ પોતાની કારની કિંમત ઘટાડવા માટે મજબૂર થઇ જશે.