ઓટો / ધૂમ વેચાઈ રહી છે ટાટાની આ ઈલેક્ટ્રિક કાર, એકવાર ચાર્જ કરવા પર 312 કિમીનું અંતર કાપે છે

• ટાટાની ઈલેક્ટ્રિક કાર Tata Nexon ખૂબ જ પસંદ કરવામાં આવી રહી છે
• આ ઈલેક્ટ્રિક કારને ગ્રાહકોનો શાનદાર રિસ્પોન્સ મળી રહ્યો છે

હકીકતમાં ટાટા મોટર્સે જણાવ્યું કે, હાલમાં જ આ એસયૂવીના 1000 યુનિટ્સ રોલઆઉટ કરવામાં આવ્યા છે. કંપની તરફથી જાણકારી આપવામાં આવી છે કે, ટાટા નેક્સોન ઈવીના 1000 યુનિટ્સનું પ્રોડક્શન કરવામાં આવ્યું છે. કંપની આને મોટી ઉપલબ્ધિ માની રહી છે. 

કંપની મુજબ, વર્તમાન સમયમાં નેક્સોન ઈવી દેશની સૌથી વધુ વેચાનાર ઈલેક્ટ્રિક કાર બની ગઈ છે. ટાટાની આ કાર એકવાર ફુલ ચાર્જ કર્યા બાદ 312 કિમીનું અંતર કાપે છે. આ કારની ટોપ સ્પીડ 120 કિમી પ્રતિ કલાક છે. ટાટાની આ કારમાં 30.2 kWhની લિથિયન આયન બેટરી આપવામાં આવી છે. તેની બેટરી 8 કલાકમાં ફુલ ચાર્જ થાય છે. જ્યારે ફાસ્ટ ચાર્જર દ્વારા 60 મિનિટમાં 80 ટકા બેટરી ચાર્જ થઈ જાય છે. 

સ્પીડની વાત કરીએ તો આ ઈવી 9.9 સેકન્ડમાં 0-100 kmની સ્પીડ પકડી શકે છે. ટાટાની આ કારની દિલ્હી એક્સ શોરૂમ કિંમત 13.99 લાખ રૂપિયા છે. જ્યારે ઓન રોડ પ્રાઈસ લગભગ 15,63,997 રૂપિયા છે. જ્યારે ટોપ વેરિઅન્ટની કિંમત 15.99 લાખ રૂપિયા છે. 

આ કારનું વેચાણ વધારવા માટે ટાટા મોટર્સે હાલમાં જ સબસ્ક્રિપ્શન પ્લાન શરૂ કર્યો છે. કપનીએ હાલ 18 મહિના, 24 મહિના અને 36 મહિના માટે સબસ્ક્રિપ્શન પ્લાન લોન્ચ કર્યો છે. જો ગ્રાહક 18 મહિના માચે ટાટાની નેક્સોન રેન્ટ પર લેવા માંગે તો તેને દર મહિને 47900 રૂપિયા પેમેન્ટ
કરવું પડશે. 36 મહિના માટે 419000 રૂપિયા રેન્ટ આપવું પડશે. સબસ્ક્રિપ્શન ખતમ થયા બાદ ગ્રાહક તેમના પ્લાનને લંબાવી શકે છે અથવા તો કંપનીને ગાડી પાછી આપી શકે છે. આ માટે ટાટાએ ઓરિક્સ ઓટો ઈન્ફ્રાસ્ટ્રક્ચર સર્વિસ લિમિટેડ સાથે પાર્ટનરશિપ કરી છે. દર મહિને રેન્ટ સિવાય ગ્રાહકને કોઈ ચાર્જ આપવો પડતો નથી.