હવે એરઇન્ડિયાની ફ્લાઇટ નહી થાય કે કેન્સલ કે નહી થાય લેટ, ટાટા ગ્રુપે એક નિર્ણય લેતા ગ્રાહકોને થશે સીધો ફાયદો
ટાટા ગ્રુપેના નિર્ણયથી ગ્રાહકોને ફાયદો
એરલાઇન્સ વચ્ચે કૉ-ઓર્ડિનેશન શરુ કરાયુ
ડોમેસ્ટિક પેસેન્જરને થશે લાભ
લગભગ સાત દાયકાના લાંબા સમય બાદ એર ઈન્ડિયા ટાટા ગ્રુપ પાસે પરત આવી છે. ત્યારે ટાટા ગ્રુપે એક એવો નિર્ણય લીધો છે જેનાથી એર ઇન્ડિયા અને એર એશિયા (ઇન્ડિયા)ના ગ્રાહકોને ફાયદો થશે. ટાટા ગ્રુપે એર ઇન્ડિયા પાછી મેળવતા હવે દેશમાં 3 ટાટા એરલાઇન્સ છે. જેમાં Vistara અને AirAsia India પણ સામેલ છે. ત્યારે હવે ટાટા ગ્રુપે આ એરલાઇન્સ વચ્ચે કૉ-ઓડિશનનું કામ શરુ કરી દીધુ છે. પરિણામે તેનો સૌથી પહેલો ફાયદો એર ઈન્ડિયા અને એર એશિયા ઈન્ડિયાના ગ્રાહકોને મળશે.
ડોમેસ્ટિક પેસેન્જરને મળશે લાભ
એર ઈન્ડિયા અને એરએશિયા ઈન્ડિયાએ પોતાની વચ્ચે 'ઈન્ટરલાઈન કન્સીડરેશન ઓન ઈરેગ્યુલર ઓપરેશન્સ' (IROPs) કરાર પર હસ્તાક્ષર કર્યા છે. આનો અર્થ એ છે કે જો બેમાંથી કોઈપણ એરલાઈન્સની સેવા કોઈપણ કારણોસર અવરોધાય તો તેના મુસાફરોને અન્ય એરલાઈન્સ સેવાની જે ઉપલબ્ધ ફ્લાઇટ હશે તેની સુવિધા આપવામાં આવશે. હાલમાં આ સુવિધા બંને કંપનીઓના ડોમેસ્ટિક પેસેન્જરને જ મળશે.
ગ્રાહકોને આ રીતે થશે ફાયદો
ટાટાની આ પહેલથી બંને એરલાઇન્સના ગ્રાહકોને ફાયદો થશે. જો કોઈ એરલાઈન્સની ફ્લાઈટ ખૂબ મોડી હોય અથવા કેન્સલ થઈ જાય તો અન્ય ઉપલબ્ધ ફ્લાઈટ્સમાંથી તેઓ ઉડાન ભરી શકશે. ટાટા ગ્રુપનું કહેવું છે કે આનાથી બંને કંપનીઓના ગ્રાહકોને પડતી અસુવિધા ઓછી થશે. જો કે આ સુવિધા માટે અન્ય ઉપલબ્ધ ફ્લાઈટ્સમાં સીટની ઉપલબ્ધતા પણ તપાસવામાં આવશે. આ માટે એરપોર્ટ મેનેજર નિર્ણય લેશે અને તેનો નિર્ણય અંતિમ નિર્ણય ગણાશે.
લાંબા સમય પછી એર ઇન્ડિયા ટાટાના હાથમાં
લગભગ સાત દાયકાના લાંબા સમય બાદ એર ઈન્ડિયા ટાટા ગ્રુપ પાસે પરત આવી છે. જાન્યુઆરી, 2022 એર ઇન્ડિયા તેના મૂળ માલિકના હાથમાં આવી છે. એર ઈન્ડિયાની વાપસી સાથે ટાટા ગ્રુપે ટ્રાવેલ અને ટુરીઝમ સેક્ટરમાં તેનો પોર્ટફોલિયો વિસ્તાર્યો છે. કંપની પાસે પહેલેથી જ ઈન્ડિયન હોટેલ્સ કંપની લિમિટેડ એર એશિયા(India) અને વિસ્તારા તો છેજ. ટાટા ગ્રૂપ બહુ મોટું જૂથ છે. તેની સ્થાપના 1868માં જમશેદજી ટાટા દ્વારા કરવામાં આવી હતી. આ જૂથની કંપનીઓની લાંબી યાદી છે. ટેલીકોમ અને રીટેલ અને કન્ઝ્યૂમર ,ફાઇનાન્સિયલ સર્વિસિઝ, ટ્રેડિંગ અને રોકાણ, આઇટી, સ્ટીલ અને ઓટોમોબાઇલ સહિતના સેક્ટરમાં ટાટા ગ્રુપ પોતાનું આગવુ નામ ધરાવે છે.