વર્ષ 2017માં જ્યારે મીટૂની લહેર ભારતમાં આવી ત્યારે ઘણી એક્ટ્રેસીસે પોતાના ખરાબ અનુભવો વિશે જણાવ્યું એટલુ જ નહી તે મહિલાઓએ સોશ્યલ મિડીયા હેન્ડલ પર પોતાની કડવી હકીકત જણાવી હતી અને મુનમુને પણ પોતાની સાથે થયેલ કિસ્સાને શૅર કર્યો હતો.
ઇન્સ્ટા પર કહી હતી વાત
તારક મહેતા...ફેમ મુનમુને ઇન્સ્ટાગ્રામ પર પોતાના દર્દને બયાન કર્યુ હતુ. તેણે કાળા રંગના બેકગ્રાઉન્ડ સાથે એક તસવીર શૅર કરી હતી અને એક લાંબી પોસ્ટ કરી હતી જેમાં તેણે પોતાના સાથે થયેલી ઘટના વિશે વાત કરી હતી.
શું હતી ઘટના
બબિતાએ લખ્યું કે, મને આશ્ચર્ય છે કે કેટલાક સારા પુરુષો તે મહિલાઓની સંખ્યાને જોઇને સ્તબ્ધ છે કે જેમણે પોતાના અનુભવો કહ્યાં છે. આ તમારા જ ઘરમાં તમારી બહેન, દીકરી, માતા, પત્ની કે તમારા ઘરમાં આવતી નોકરાણી સાથે થઇ રહ્યું છે. તમે તેમના જવાબોથી હેરાન હશો અને તેમના કિસ્સાઓથી આશ્ચર્યચકિત થઇ જશો.
તેણે વધુમાં કહ્યું કે પાડોશના અંકલ અને તેની આંખોથી હુ ડરતી હતી જે કોઇ પણ અવસર પર મને અડશે અને કોઇને પણ આ વાત ન કરાવાની ધમકી આપી દેશે. અથવા મારા મોટા કઝીનભાઇ જે મને તેમની દીકરીઓની તુલનાથી અલગ જોશે. અથવા તે વ્યક્તિ જેણે મને હોસ્પિટલમાં પેદા થતા જોઇ અને 13 વર્ષ બાદ મારા શરીરને અડવુ યોગ્ય સમજ્યુ કારણકે હું કિશોરી થઇ રહી હતી અને મારા શરીરનો આકાર બદલાઇ રહ્યો હતો.
પોતાની પિડા કહેવા તેણે લખ્યું કે, મને ટ્યુશન ભણાવનાર તે શિક્ષકનો હાથ જે મારા અંડરપેન્ટમાં હતો અથવા તે શિક્ષક કે જેને મે રાખડી બાંધી હતી. સ્કૂલમાં મહિલા વિદ્યાર્થીનીઓની બ્રા સ્ટ્રેપ ખેંચીને તેમના સ્તન પર થપ્પડ મારતો હતો. તમે નથી જાણતા કે તમારા માતા પિતાને કેવી રીતે આ વાતો કહી શકશો એટલા માટે તમે કંઇ કહેતા નથી અને પુરુષો પ્રત્યે તમારા મનમાં ગુસ્સો વધતો જાય છે.
તેણે કહ્યું કે આજે મારામાં એટલો સાહસ છે કે હું કોઇ પણ વ્યક્તિને ચીરી નાખીશ જે મને કંઇ પણ કરવાનો પ્રયત્ન કરશે.